«Aktobe Invest-2017» forýmyna jıyrma elden 400-den asa adam qatysady
ASTANA. QazAqparat - 12 qazan kúni Aqtóbede "Aktobe Invest-2017" V halyqaralyq ınfestıtsııalyq forýmy bastalady. Eki kúndik forýmnyń basty taqyryby - «EKSPO-2017: óńirlerdiń damý ımpýlsi». Bul týraly óńirlik ákimdiktiń baspasóz qyzmeti habarlaıdy.
Forýmnyń negizgi plenarlyq otyrysy kezinde EKSPO-2017 kórmesinde óńirdiń ekonomıkasyn damytý úshin usynylǵan jańa tehnologııalardy paıdalaný suraqtary talqylanatyn bolady.
Belgili bolǵandaı, Aqtóbe oblysy - EKSPO-2017 ınnovatsııasyn engizý jaǵynan óńirler arasynda kósh basynda turǵandardyń biri. 25 aqtóbelik kásiporynda azyq-túlik baǵasyn tómendetýge, eńbek óndirisin arttyrýǵa, sonymen qatar, oblystyń ekologııalyq jaǵdaıyn jaqsartýǵa múmkindik beretin jańa tehnologııalar engizilip jatyr.
Forýmnyń negizgi plenarlyq otyrysynyń moderatory «Atameken» QR UKP komıtetiniń tóraǵasy Murat Ábenov bolmaq.
Forýmǵa barlyǵy jıyrma elden kelgen 400-den asa adam qatysady. Olardyń arasynda QR úkimetiniń, salalyq mınıstrlikterdiń, oblys ákimdikteriniń, kvazımemlekettik sektordyń, qazaqstandyq, halyqaralyq qarjy ınstıtýttarynyń ókilderi, otandyq jáne sheteldik bıznestiń top-menedjerleri de joq emes.
Aqtóbe oblysynyń syrtqy baılanystar jáne týrızm basqarmasynyń bastyǵy Ermek Kenjehanulynyń aıtýynsha, forýmnyń alǵashqy qatysýshylary Aqtóbe qalasyna kelip úlgerdi. Olardyń qatarynda Ázerbaıjannyń Qazaqstandaǵy bas konsýly, Makedonııa elshisi, Qazaqstandaǵy AQSh elshiliginiń ekonomıkalyq keńesshisi, qarjy ınstıtýttarynyń, otandyq jáne sheteldik kompanııalardyń ókilderi bar.
Sonymen qatar «Altyn Qyran» kompanııalar tobynyń bas dırektory ári quryltaıshysy, Global Oil Investment Group kompanııalar tobynyń vıtse-prezıdenti, «VEK» KT (RF) bas dırektory, «MıtMıtMıt» JShQ (RF) quryltaıshysy, «Al Qudra Holding» sheteldik kompanııasynyń ókilderi, «Al Masýd», «John Brown Engineering», SINOPEC kompanııasynyń toby keledi dep kútilýde.
Budan basqa, forýmǵa Qostanaı oblysynyń ákimi Arhımed Muhambetov pen Orynbor oblysynyń gýbernatory ıÝrıı Berg, Orynbor, Orsk jáne ózge de qalalardyń basshylarynyń qatysýy josparlanyp otyr.
Forým aıasynda jalpy quny 200 mlrd. teńge bolatyn 11 memorandýmǵa qol qoıylady dep kútilýde. Olardyń qatarynda Aqtóbe jáne Qostanaı oblystary arasyndaǵy óńiraralyq seriktestik pen ónerkásiptik kooperatsııa, jeldik generator shyǵaratyn zaýyttyń qurylysy, farmatsevtıka óndirisin keńeıtý jobasy, tehnıkalyq selıtra men karmabıd óndiretin zaýyttyń qurylysy týraly memorandýmdar, munaı-gaz jabdyqtarynyń klasterin qurý, kúıe óndiretin (saja) zaýyttyń qurylysy týraly memorandým jáne taǵy basqalar bar.
