«Aktobe Invest-2017» forýmy kezinde Aqtóbeniń ınvestıtsıalyq jobalary tanystyryldy
AQTÓBE. QazAqparat - Aqtóbede ınvestıtsııalyq forým ótip jatyr. Investıtsııalyq jobalar kórmesi kezinde jel generatory zaýytynyń jobasy tanystyryldy, dep habarlaıdy QazAqparat tilshisi.
Álemniń 20 elinen kelgen kásipkerler men ınvestorlarǵa Aqtóbedegi ken oryndarynyń mol qory tanystyrylyp, iskerlik baılanys ornady. Máselen, qazirgi kezde jel generatoryn óndiretin zaýyttyń jobasy naqtylandy. Zaýyt Aqtóbe ındýstrııaldy aımaǵynda boı kóteredi. Joba quny - 84 mıllıon eýro. Jańa zaýyt pen balamaly energetıka salasyndaǵy bilim ortalyǵy jumysqa kirisken kezde barlyǵy 500 adam jumyspen qamtylady.
«Jel generatoryn shyǵaratyn zaýyty - Germanııamen birlese atqaratyn joba. Taıaýda «Samuryq Energııa» AQ-men memorandýmǵa qol qoıyldy. Taıaý kúnderi ınvestıtsııalyq kelisimshartqa qol qoıylady. 2020 jylǵa deıin zaýyt iske qosylady. Bıyl ındýstrıaldyq aımaqtan jer bólinip, bekitildi. Zaýyt iske qosylǵanda jylyna 150 jel generatory shyǵarylady. Aldymen Qazaqstannyń ishki naryǵyndaǵy suranys qamtylady. Keıin Ázerbaıjan, Iranǵa eksporttalady. Memleket tarapynan salyqtyq jeńildikter bar. Kedendik shekteýler alyndy», - dedi jel generatoryn óndiretin zaýyttyń Aqtóbedegi ókili Mıhael Paýlz. Mundaı zaýyt Germanııada, Ispanııada bar. Qural-jabdyqtar da osy eki elden keledi. Zaýyt qurylysy úshin ındýstrıaldyq aımaqtan barlyǵy 80 gektar jer berilgen. Bıyl jer alý qujattary rásimdelip, keler jyly irgetasy qalanady. Investorlar qarjyny úsh kezeń boıynsha bóledi.
Aqtóbege buǵan deıin jel generatorlaryn tasymaldap kelgen kompanııa endi alys aýyl men baqtashylarǵa arnalǵan shaǵyn vagon jasaýdy qolǵa aldy. Kún sáýlesinen, jelden qýat alatyn shaǵyn vagon ishi zamanaýı dızaınmen jasalady. Tipti, bıoájethana bolýy múmkin. Bul vagondardyń aýmaǵy - 15 sharshy metr.
«EKSPO kórmesi kezinde Slovakııanyń «EkoKapsýla» kompanııasymen kelisimshart jasaldy. Biz jańa tehnologııany paıdalanyp, mal baǵatyn sharýashylyqtarǵa arnap vagon jasaımyz. Qazir alǵashqy tapsyrys tústi»,- dedi «Bazıs Grýpp» JShS dırektory Estaı Sısenbaev.
Aıta keteıik, ındýstrıaldyq kórme kezinde 2018-2020 jyldary iske asyrylatyn jobalar tanystyryldy. Máselen, «Kóktas Aqtóbe» JShS qurylysqa qajetti tsement shyǵarmaq. Joba quny - 150 mıllıon dollar. Ónim Atyraý, Batys Qazaqstanǵa jiberiledi. Al «Temir SM» JShS-i Túrkııanyń «CVS Makina» kompanııasymen birlese metall balqytý zaýytyn salady. Ónim Túrkııa men Mysyrǵa jóneltiledi. Qazirgi kezde Aqtóbedegi ındýstrıaldyq aımaqta 13 joba bar. Onyń ekeýi iske qosyldy. 7 jobanyń qurylysy bastaldy. Ózgesi jer qazý jumystaryn endi bastady.
