Aqtóbe-Hromtaý jolyndaǵy keptelis: Qozǵalysty qalpyna keltirý jumysy bastaldy
AQTÓBE. QazAqparat – «Samara-Shymkent» tasjolynyń Aqtóbe-Hromtaý aralyǵynda jol qatynasy úzilip, birneshe júk jáne jeńil kólik toqtap qaldy. Polıtsııa qozǵalysty qalpyna keltirýge kóshti, dep habarlaıdy QazAqparat tilshisi.
Aqtóbeden Hromtaýǵa bet alǵandar jolda turyp qalyp, habarlamany áleýmettik jeli arqyly taratyp jiberdi.
Beınematerıaldan birneshe júk kóligimen qatar jeńil kóliktiń qozǵalyssyz turǵanyn kórýge bolady.
Aqtóbe oblystyq polıtsııa departamentiniń baspasóz qyzmeti osy jaǵdaıǵa baılanysty túsinik berdi.
«Qazirgi ýaqytta jol ashyldy. Patrýldik polıtsııa qyzmetkerleri 20-30 kólikti jınap, Hromtaýǵa deıin jetýge kómektesedi. Birin-biri basyp ozýǵa bolmaıdy. Bul jol-kólik oqıǵasynyń aldyn alýǵa baǵyttalǵan jumys», - dedi oblystyq PD baspasóz qyzmetiniń jetekshisi Erbolat Sarqulov.
