Aqtóbe-Hromtaý-Qarabutaq avtojoly tórt jolaqty bolyp qaıta jańartylady

ASTANA. KAZINFORM – QazAvtoJol kelesi jyly Aqtóbe-Hromtaý-Qarabutaq avtojoly tórt jolaqty bolyp qaıta jańartylatynyn málimdedi.

Búgingi kúni «QazAvtoJol» ulttyq kompanııasy «Aqtóbe-Hromtaý-Qarabutaq» avtojolynda orta jóndeý jumystaryn júrgizip jatyr. Josparlanǵan 66,1 shaqyrymnyń 61 shaqyrymynda jol jabyny jańartyldy.

«2025 jyly osy jol ýchaskesinde qaıta jańartý jumystary bastalyp, qazirgi ІІІ tehnıkalyq sanattaǵy jol І tehnıkalyq sanatqa aýystyrylady. Jol paıdalanýshylar úshin jańa tórt jolaqty jol salynatyn bolady», — dedi vedomstvonyń Aqtóbe oblystyq fılıaly paıdalaný jáne qozǵalys qaýipsizdigi bóliminiń bas mamany Nurlan Serǵazy.