Aqtóbe hrom qosyndylary zaýytyndaǵy 4 jumysshynyń ólimine qatysty istiń mán-jaıy belgili boldy
AQTÓBE. QazAqparat – Aqtóbe hrom qosyndylary zaýytyndaǵy 4 jumysshynyń ólimine qatysty istiń mán-jaıy anyqtaldy, dep habarlaıdy QazAqparat Polisia.kz saıtyna silteme jasap.
Eske sala keteıik, 2020 jyldyń 28 mamyrynda Aqtóbe hrom qosyndylary zaýytyndaǵy №4 tsehta 4 jumysshy kóz jumyp , ekeýi aýrýhanaǵa túsken bolatyn.
Atalǵan fakti boıynsha Aqtóbe oblystyq PD bólimshesi Qylmystyq kodekstiń 156-babynyń 4-bólimi «Abaısyzda eki nemese odan da kóp adamnyń ólimine ákep soqqan eńbekti qorǵaý erejelerin buzý» boıynsha qylmystyq isti tirkedi.
«Gıdroksıl» hımııalyq zaty bolǵan 50 tekshelik syıymdylyqty tazalaý jumystaryn júrgizý barysynda qaýipsizdik tehnıkasy erejeleri buzylǵan. QR QІJK 128-baby tártibinde kúdikti retinde ýchaske sheberi, bólim bastyǵy jáne №4 tseh bastyǵy ustaldy. Barlyq úsh adamǵa qatysty «Kúzetpen ustaý» bultartpaý sharasy qoldanyldy. Barlyq saraptama taǵaıyndaldy, qaýipsizdik tehnıkasy boıynsha qujattar, narıad berý jýrnaldary, laýazymdyq nusqaýlyqtar alyndy. Tergeý júrgizilýde.
