Aqtóbe hrom qosyndylary zaýytynda tórt jumysshy mert boldy
AQTÓBE. QazAqparat – Aqtóbe hrom qosyndylary zaýytynda tórt adam kóz jumyp, ekeýi aýrýhanaǵa tústi, dep habarlaıdy QazAqparat tilshisi.
Aqtóbe oblystyq polıtsııa departamentine habar jergilikti ýaqytpen saǵat 13:20-da tústi. Onda №4 tsehta jumysshylardyń mert bolǵany aıtyldy.
«Jumysshylar tańerteń 50 tekshe metr bolatyn bakti tazartqan. Keıin bireýi aqaýdy kórip, ishine kiredi. Shyqpaǵan soń taǵy úsheýi túsken. Tórteýi oqıǵa ornynda kóz jumdy. Eki adam jedel járdem aýrýhanasyna jetkizildi. Atalǵan fakti boıynsha oblystyq polıtsııa departamenti Qylmystyq kodekstiń «Abaısyzda eki jáne odan da kóp adamnyń ólimine ákep soqqan qaýipsizdik tehnıkasyn buzý» baby boıynsha tergeý bastaldy. Іstiń mán-jaıy anyqtalýda», - dedi oblystyq Polıtsııa departamentiniń bastyǵy Atynaı Arystanov.
