Aqtóbe «Halyq qaýipsizdigin qamtamasyz etý» jobasyn jalǵastyrady
Aqtóbe oblysy «Halyq qaýipsizdigin qamtamasyz etý» jobasynyń tıimdi ekenin dáleldedi. Bir aı boıy mamandar Áıteke bı, Hromtaý, Muǵaljar, Temir, Mártók, Qarǵaly, Baıǵanın, Shalqar aýdandaryna baryp, halyqty jumyspen qamtý, dinı ekstremızmniń aldyn alý, memlekettik jáne salalyq baǵdarlamalardyń júzege asyrylýyn túsindiredi.
«Dástúrli emes dinı aǵymdardy ustanýshylardyń sanyn azaıtyp, tutastaı alǵanda óńir qylmys kórsetkishi tómendedi. Biz jobany jańǵyrtyp jatyrmyz. Osyǵan oraı tıimdi nátıjege jetý úshin qolda bar múmkindikterdi barynsha paıdalaný qajet»,- dedi oblys ákimi Berdibek Saparbaev.
Jospar daıyn. Din jolyndaǵy jastar, dinı qaýymdastyqtar jáne túrmeden bosatylǵan adamdarǵa arnalǵan 100-en astam shara ótkizilmek. Toptyq jáne maqsatty kezdesýler, semınarlar, meshitterde júrgiziletin dárister bar. Barlyǵy 32 teolog túsindirý jumystaryn júrgizedi, onyń 9-y Astanadan shaqyrylady. Al áleýmettik máselelerdi sheshý baǵyty boıynsha Aqtóbe dárigerleri 3 myńnan astam adamǵa kórmek kórsetedi. Balalar men oqýshylardyń densaýlyǵy tekserilip, 200 adamǵa túrli ýltradybystyq zertteýler júrgizedi. Adamdardyń tisi emdeledi. Aqtóbe oblysy ákiminiń baspasóz qyzmetiniń habarlaýynsha, 180 jumyssyz eńbekke aralasyp, áleýmettik jumys oryndaryna, jastar tájirıbesine, qysqa merzimdi trenıngterge jiberiledi.
«Memlekettik organdardyń, qarjy ınstıtýttarynyń ókilderi kásipkerlikti damytý, memlekettik qoldaý sharalaryn túsindirý úshin jastarǵa, aýyl ákimderine arnap jıyn ótkizedi. Qazirgi ýaqytta qarjy ınstıtýttary quny 250 mln teńge bolatyn 60 jobany qarjylandyrýǵa kelisim berdi. Al aqparattyq jumys baǵyty «100 naqty qadam» Ult jospary, «Bolashaqqa baǵdar: rýhanı jańǵyrý» maqalasynyń basty baǵyttary, mindetti áleýmettik-medıtsınalyq saqtandyrý júıesi týraly túsindirme jumystaryn júrgiziledi. Jergilikti halyqpen jáne iri kompanııalardyń eńbek ujymdarymen kezdesý barysynda 24 vahtalyq eldi mekende dinı ekstremızm men terrorızmdi boldyrmaýǵa baǵyttalǵan 30 beınerolık kórsetiledi. «Joba, halyqqa barynsha paıda ákelýi tıis jáne onyń oń áserin jobamen qamtylǵan óńirdiń árbir turǵyny sezinýi qajet. Naqty nátıjeler bolýy kerek. Biz halyqtyń problemalaryn sheshýge tıispiz»,- dedi Berdibek Saparbaev.
