Aqtóbe: Gúlshara Ábdiqalyqova sý tasqynynan zardap shekkenderge salynǵan úılerde boldy
Aqtóbe oblysynda «Týǵan jer» respýblıkalyq forýmy ótip jatyr. Buǵan deıin habalaǵanymyzdaı, álemniń 20 elinen 300 aqtóbelik kelip, olar 5 mıllıard teńgeniń áleýmettik jobasyna qoldaý bildiretinin jetkizdi.
Forýmǵa qatysqan Memlekettik hatshy Gúlshara Ábdiqalyqova kóktemgi sý tasqyny kezinde zardap shekken otbasylarmen kezdesip, qurylyspen tanysty. Aqtóbe oblysy ákiminiń baspasóz qyzmetinen habarlaǵandaı, Aqtóbe qalasy mańyndaǵy 107 jer teliminde qurylys júrip jatyr. Qurylys materıaldary «Qolǵanat Aqtóbe» qoǵamdyq qorynyń qarjylandyrýymen satyp alyndy. Jergilikti kommýnaldyq kásiporyndar elektr qýatymen, sýmen jáne gazben qamtamasyz etti. Al eriktiler qurylys kezinde kómek kórsetti. Sonymen qatar, 20 otbasyǵa oblys aýdandarynan, demeýshiler men jumys berýshilerden páterler men turǵyn úı syıǵa tartý etildi. UOS múgedegi men bıýdjettik sala qyzmetkerine beriletin jeńildikterge teńestirilgen taǵy eki otbasyǵa shaǵyn otbasyly jataqhanadan qaıtarymsyz negizde páterler berildi.
«Barlyǵy 6 aı ishinde «Qolǵanat Aqtóbe» qoǵamdyq qory arqyly 800 otbasyǵa jalpy somasy 185 mıllıon teńgege kómek kórsetildi. Qarjy úılerdi jóndeýge, jańa úılerdiń qurylysyna jumsaldy. Jylý qazandyqtary men turmystyq tehnıkalar alyndy»,- dep habarlady oblys ákimiń baspasóz qyzmetinen.
Eske salsaq, kóktemgi tasqyn saldarynan 907 úı sý astynda qaldy. Barlyǵy 110 úı qırady, 700-den astam úı jóndeýdi qajet etti.