Aqtóbe garnızony «Aıbyn» halyqaralyq jastar jıynyna qatysýshylardy qabyldaýǵa daıyn
ASTANA. KAZINFORM – Maýsymnyń 22-28 kúnderi elimizdiń batysyndaǵy qala Ázerbaıjan, Belarýs, Qazaqstan, Qyrǵyzstan, Reseı jáne Ózbekstannan keletin myńnan astam jasóspirimdi qabyldaıdy.
Baıqaýshy retinde Qytaı Halyq Respýblıkasynyń delegatsııasy keledi.
XI halyqaralyq áskerı-patrıottyq jastar jıynynyń saltanatty ashylýy Keńes Odaǵynyń eki márte Batyry Talǵat Bıgeldınov atyndaǵy Áýe qorǵanysy kúshteri áskerı ınstıtýtynyń «Aıbyn» oqý ortalyǵynyń bazasynda ótedi.
50-den astam qazaqstandyq jáne sheteldik komandalardy qabyldaý úshin oqý ortalyǵynda shatyrly qalashyq jabdyqtalǵan, barlyq jaılylyǵy bar turǵylyqty jerler, medıtsınalyq pýnkt jáne ashana daıyndalǵan.
Oqý ortalyǵynyń aýmaǵynda jańa vorkaýt-keńistikter, júgirý joly bar fýtbol alańy, voleıbol jáne basketbol alańdary paıda boldy.
Dalalyq lagerde uldar men qyzdardyń armııa atmosferasyna enip, shıelenisti jarystardan keıin demalýyna barlyq jaǵdaı jasalǵan.
Jıynǵa qatysýshylar áskerı-patrıottyq klýbtar men oqý oryndarynda oqyǵan bilimderin kórsetedi.
Esterińizge sala keteıik, «Aıbyn» halyqaralyq áskerı-patrıottyq jastar jıynyn Qorǵanys mınıstrligi on birinshi ret ótkizip otyr. Іs-shara baǵdarlamasy óte baı jáne áskerı-qoldanbaly pánder boıynsha birqatar jarystardy, zııatkerlik, shyǵarmashylyq konkýrstar men «Smart Sarbaz» robototehnıka boıynsha jarystardy qamtıdy. Sonymen qatar, jasóspirimderdi birlesken joryqtar, ekskýrsııalar jáne alaý janyndaǵy kezdesýler kútedi.
Aıta ketelik Kaspııde Qazaqstan men Ázerbaıjannyń áskerı teńiz kúshteri jattyǵyp jatqany týraly jazǵan edik.