«Aqtóbe» fýtbol klýbynyń qatary cheh legıonerimen tolyqty
ALMATY. 28 aqpan. QazAqparat - Qazaqstan chempıonatynyń 2011 jylǵy qola júldegeri - «Aqtóbe» fýtbol klýbynyń qatary chehııalyq jartylaı qorǵaýshy Lýkash Baıermen tolyqty.
Keshe komanda basshylyǵy bul maýsymda Aqtóbede óner kórsetetin 6 jańa oıynshymen kelisim-shart jasady.
Komandanyń Túrkııadaǵy sońǵy 2 oqý-jattyǵý jıynyna qatysqan L. Baıer Chehoslovakııada 1984 jyly 15 jeltoqsanda ómirge kelgen. Ol buǵan deıin óz elinde 2004-2005 jyldary «Atletık Slovan», 2005 jyly «Znoımo», 2006 jyly «Hanaka Slavııa», 2006-2007 jyldary «Dosta» jáne 2008 jyly Gollandııanyń «Herakles Almelo» komandalarynda óner kórsetken bolatyn. «Aqtóbege» ol ózi bir kezde sporttaǵy mansabyn bastaǵan Olomoýts qalasynyń «Sıgma» komandasynan aýysyp keldi. 2009/2010 jyly Eýropa lıgasynda 3 match ótkizgen Lýkash Baıer mergendigimen de kózge túsken edi.
