«Aqtóbe» fýtbol klýbynyń burynǵy bas dırektory taǵy bir aı úıqamaqta otyrady
AQTÓBE. QazAqparat - «Aqtóbe » fýtbol klýbynyń burynǵy bas dırektory Dmıtrıı Vasılev taǵy bir aı úıqamaqta otyrady. №2 Aqtóbe qalalyq soty tergeýshilerdiń ótinishin qanaǵattandyrdy, dep habarlaıdy «QazAqparat» tilshisi.
«Dmıtrıı Vasılev Qylmystyq kodekstiń «Senip tapsyrylǵan bóten múlikti ıemdenip alý nemese talan-tarajǵa salý» baby boıynsha kúdikpen ustaldy. Sot sheshimimen ol tergeý aıaqtalǵansha úıqamaqta otyrýy tıis. Sotqa deıingi tergeýmen aınalysyp jatqan qylmystyq qýdalaý organdary tergeý jumystaryn ári qaraı jalǵastyryp jatyr. Sondyqtan kúdiktini úıqamaqta ustaý merzimi 8-aqpanǵa deıin uzartyldy», - deıdi Aqtóbe oblystyq sotynyń baspasóz qyzmetkeri Ilıada Dosova.
Aıta keteıik, 2016 jyldyń 8-qarashasy kúni Dmıtrıı Vasılev bdıýjet aqshasyn jymqyrdy degen aıyppen ustalǵan bolatyn. Sot sheshimimen Dmıtrıı Vasılev tergeý aıaqtalǵansha Aqtóbe qalasyndaǵy páterinde bolady. Sol kezde oǵan telefon arqyly sóılesýge, adamdardy qonaqqa shaqyrýǵa tyıym salynǵan. Sonymen qatar, oǵan tekserý úshin telefon shalǵanda, sot aldy tergeý organdaryna jaýap berý mindetteldi. Sot sheshimi talaptarynyń saqtalýyn Sybaılas jerqorlyqqa qarsy kúres is-qımyl Ulttyq bıýrosy oblystyq departamenti qadaǵalap otyr.
Altynaı Saǵyndyqova
