«Aqtóbe» fýtbol klýbynyń bas bapkeri qyzmetinen ketti
AQTÓBE. QazAqparat – «Aqtóbe» fýtbol klýbynyń bas bapkeri, reseılik maman Vladımır Mýhanov qyzmetinen ketti, dep habarlaıdy QazAqparat tilshisi.
Klýbtyń baspasóz qyzmetinen málim etkenindeı, «Tarazben» ótken matchtan keıin 68 jastaǵy V.Mýhanovpen kelisimshartty toqtatý jóninde sheshim qabyldanǵan.
Reseılik maman aqtóbelikterdi 2021 jyldyń shildesinen beri jattyqtyryp keldi.
Búgin Tarazda jergilikti komandadan 0:3 esebimen oısyraı utylǵan «Aqtóbe» el chempıonatynda segizinshi orynda tur.
Komandanyń bas bapkeri mindetin ýaqytsha Petr Badlo atqarady.
Aqtóbelikter toǵyzynshy týrda 2 mamyr kúni óz alańynda «Aqjaıyqty» qabyldaıdy.
Eske salaıyq, budan buryn fýtboldan Qazaqstan chempıonatynda «Aqjaıyqtyń» «Aqsýdan» utylyp qalǵanyn jazǵan bolatynbyz.
Búgin Aqtaýda Qaraǵandynyń «Shahterin» 4:0 esebimen jeńgen «Kaspıı» komandasy 16 upaı jınap, chempıonatta qaıtadan kósh bastady.
