«Aqtóbe» fýtbol klýbyna jańa bas bapker tanystyryldy
NUR-SULTAN. QazAqparat – Belgili qazaqstandyq fýtbolshy ári maman Andreı Karpovıch «Aqtóbe» fýtbol klýbynyń bas bapkeri bolyp taǵaıyndaldy, dep habarlaıdy QazAqparat tilshisi.
«Aqtóbe» fýtbol klýbynyń baspasóz qyzmeti málim etkendeı, jańa bas bapker komandaǵa tanystyryldy.
«Jýyrda 41 jastaǵy A.Karpovıch kelisim júrgizý úshin Aqtóbege ushyp kelgen bolatyn. Degenmen 2 mamyr kúni «Aqjaıyqpen» ótetin matchqa komandany bas bapkerdiń mindetin ýaqytsha atqarýshy Petr Badlo daıyndaýda. Qazaqstan birinshiligi 8-týrynyń qoryyndysy boıynsha A.Karpovıch óz erkimen «Qyzyljar» komandasynyń bas bapkeri qyzmetinen ketken bolatyn», dep habarlady klýbtan.
Týrnır kestesinde aqtóbelikter 11 upaımen segizinshi orynda keledi.
Eske sala keteıik, budan buryn fýtboldan el chempıonatynda «Astana» «Turanmen» teń oınaǵanyn, «Atyraýdyń» «Ordabasyny» utqanyn jazǵan bolatynbyz.
