«Aqtóbe» fýtbol klýby taǵy satylady
AQTÓBE. QazAqparat – «Aqtóbe» fýtbol klýby buǵan deıin senimgerlik basqarýǵa berilgen edi. Endi satylymǵa shyǵarylady, dep habarlaıdy QazAqparat tilshisi.
Ótken jyly «Aqtóbe» fýtbol klýby oıynshylarynyń qaryzyn birshama ótedi. Kóbi ketip, azy qalǵanda qaıta satylymǵa shyǵarylatyn boldy. Endi senimgerlik basqarýǵa emes, jekege beriledi.
«Jekeshelendirilýdiń 2016-2020 jyldarǵa arnalǵan qaýlysy bar. Sol qaýly tizimine «Aqtóbe» fýtbol klýby engen. Klýb satylymǵa shyǵarylýy kerek. ıAǵnı, maýsym aıynda baǵalaý, shilde aıynda komıssııa otyrysy ótedi. Aýktsıonǵa shyǵaryla ma, álde basqa joly tańdala ma? Bir sheshim bolady. Ony kez kelgen, ıaǵnı, shetel azamaty, kompanııalar, Qazaqstan azamaty, barlyǵy da satyp ala alady», - dedi «Aqtóbe» FK BAQ jáne jankúıerlermen jumys bóliminiń basshysy Áset Jomart.
Eske salsaq, 2018 jyly Samat Smaqov karerasyn aıaqtap, fýtbol klýbyn senimgerlik basqarýǵa aldy. Quny 100 mıllıon teńge dep baǵalandy. Talap boıynsha balalar men jasóspirimder arasynda fýtboldy damytý, Premer-lıganyń klýbtaryna qoıylatyn reglamentterge sáıkes, klýbtyń barlyq qajetti jarystar men saıystarǵa qatysýyn qamtamasyz etý (QR Chempıonaty, QR Kýbogynyń oıyndary, Premer-lıga klýbtary qosalqy quramdarynyń týrnıri, PFL kýbogy, Premer-lıga klýbtarynyń jasóspirimder men jastar komandalary, birinshi lıga jáne mını fýtbol komandasy arasyndaǵy QR birinshiligi), sonymen birge ÝEFA saıystaryna qatysý týraly quqyǵyn alǵan jaǵdaıda jarysqa barý mindetteldi.
