«Aqtóbe» fýtbol klýby Samat Smaqovqa qalaı satylǵan
ASTANA. QazAqparat - Tanymal fýtbolshy "Aqtóbe" fýtbol klýbyn 7 jylǵa senimgerlik basqarýǵa alǵan bolatyn, dep xabarlaıdy QazAqparat tilshisi.
Oblys basshysy Berdibek Saparbaevtyń aıtýynsha, klýb úsh ret saýdaǵa shyǵaryldy. Eki konkýrsta jeńimpaz anyqtalǵan joq. Al úshinshi saýda-sattyqta Samat Smaqov jeńimpaz atandy. Sóıtip, "Aqtóbe" fýtbol klýbyn 7 jylǵa senimgerlik basqarýǵa aldy. "Quny - 110 mln teńge. Sol kezde ol sony tólep bitirýi kerek... Eń bastysy, fýtbol klýbynyń negizgi baǵyty ózgermeýi shart. Sosyn Smaqov - jaqsy fýtbolshy. Ol kóp nárse biledi. Biz syrttan fýtboldyń jańa ádisterin, oqýlaryn, tájirıbelerin alyp kelip, ózimizge engizýimiz kerek. Ekinshiden, biz fýtbol akademııasyn qurdyq, ıaǵnı, kishkentaı baladan bastap kásibı fýtbolshyǵa deıin barlyǵy bir júıede bolýy qajet. Sol arqyly biz Aqtóbeniń fýtbolyn damytamyz. Negizgi maqsatymyz - jergilikti jastardy tárbıelep, fýtboldy ary qaraı damytý", - dedi B.Saparbaev Astanada ótken baspasóz máslıxatynda.
Aıta keteıik, osy brıfıngte Berdibek Mashbekuly tanymal ánshi Dımash Qudaıbergenniń Aqtóbede úlken kontsertti ótkizetinin jetkizdi. Sondaı-aq, jumysshylardyń jalaqysyn qalaı kóteretinin aıtyp berdi.
