«Aqtóbe» fýtbol klýby Máskeýde oqý- jattyǵý jıynyn ótkizedi
; ALMATY. Maýsymnyń 28-i. QazAqparat /Erlik Erjanuly/ - «Aqtóbe» fýtbol klýby Chempıondar lıgasyndaǵy kezdesýdiń aldynda shildeniń 2-12 kúnderi Máskeýde oqý- jattyǵý jıynyn ótkizedi. Ony Bas dırektordyń orynbasary Vasılıı ıÝrchenko búgin Almatyda ótkizgen baspasóz máslıhatynda aıtty,
dep habarlaıdy QazAqparat.
2010-2011 jylǵy Chempıondar lıgasynyń ekinshi dárejeli raýndynda ótken jylǵy Qazaqstan chempıony «Aqtóbe» Grýzııanyń Rýstavı qalasynyń «Olımpı» komandasymen kezdesedi. Alǵashqy oıyndy Vladımır Mýhanovtyń shákirtteri shildeniń 14-i kúni óz alańynda, al qarymta oıyndy 21-inde syrt alańda ótkizedi.
«Qarsylastarymyz týraly kóp málimet bilmeımiz. Óıtkeni grýzın klýbtary birneshe jyldan beri TMD elderi kýbogy týrnırine qatyspaıdy. Grýzın fýtboly jabyq. Olar týraly buqaralyq aqparat quraldary da az jazady. Klýb basshylyǵy men oblys ákimdigi el chempıonatynda da, Eýrokýbok jarysynda da bizge úlken jaýapkershilik júktep otyr. Ádemi fýtbol kórsetip, barlyq jankúıerlerimizge qýanysh syılaǵymyz keledi», deıdi «Aqtóbe» fýtbol klýby Bas dırektorynyń orynbasary Vasılıı ıÝrchenko. Onyń aıtýynsha, qazir aqtóbelik aıaqdopshylar qysqa demalysta júr. Olar endi mańyzdy kezdesý aldynda shildeniń 2-si kúni Máskeýde bas qospaq. Ondaǵy oqý- jattyǵý jıyny kezinde reseılik fýtbolshylarmen 2-3 jattyǵý kezdesýleri ótedi dep josparlanýda.
