«Aqtóbe» fýtbol klýby bankrot bolýy múmkin - Camat Smaqov
AQTÓBE. QazAqparat - Samat Smaqov birneshe legıonermen qatar qazaqstandyq fýtbolshylardyń aldynda qaryzy bar «Aqtóbe» fýtbol klýbynyń qazirgi jaǵdaıyn ashyq aıtty. Eger qaryz ýaqytyly tólenbese, «Aqtóbe» fýtbol klýby bankrot bolady. Samat Smaqovpen bolǵan suhbatty fýtbol klýbynyń baspasóz qyzmeti jarııalady, dep habarlaıdy QazAqparat tilshisi.
Jyl ótken saıyn «Aqtóbe» fýtbol klýbynyń oıynshylar aldyndaǵy qaryzy kóbeıip keledi. Bıyl klýbqa bas dırektor bolyp taǵaıyndalǵan Samat Smaqov alǵashqy kúni-aq bıýdjetten bólingen 2 mıllıard teńgeden astam qarjynyń jetpeıtinin ashyq aıtty. Al «Aqtóbe» fýtbol klýbynyń baspasóz qyzmetine bergen suhbatynda legıonerler men qazaqstandyq oıynshylar aldyndaǵy qaryzdyń kún ótken saıyn kóbeıip jatqany jarııalandy. Bul klýbtyń bankrot bolýyna ákelýi soǵýy yqtımal.
«Fýtbol klýbynyń oıynshylar aldyndaǵy bereshegi 2014 jyldan bastap, 2017 jylǵa deıin jalǵasty. Fýtbolshylardyń qaryzynan ózge 2017 jyly jetkizýshilerge de qaryz bolǵan. Oıynshylar aldyndaǵy qaryz óte kóp. 2017 jyl fýtbol klýbynyń barlyq quramyna, jumysshylarǵa bereshek bolyp qaldy. Al 2016 jyly tek jattyqtyrýshylar men eks-dırektor Dmıtrıı Vasılevke qaryz boldy. 2015 jyly 6-7 qazaqstandyq fýtbolshyǵa, sonymen qatar, Aıodel Adeleı men Danılo Nekoǵa qaryz bolǵan eken. FIFA-nyń da sheshimi bar. 2014 jyly Sergeı Kovalchýkke qatysty da sot sheshimi shyqty. Bul sotqa aryz bergen, FIFA-ǵa shaǵym túsirgen fýtbolshylar tizimi. Keıbir fýtbolshylar klýbtyń qazirgi jaǵdaıyn bilip, aryz túsirgen joq»,- dedi Samat Smaqov.
Jańa qyzmetke taǵaıyndalǵan Samat Smaqov óz bedelin salyp, oıynshylarmen kelissóz júrgizip jatqanyn jasyrmaǵan. ıAǵnı, aldyn ala sóılesip, ýáde berip, áliptiń artyn baǵýdy surady. Kópshiligi «qyzyldar men aqtardyń» qutqarýshysyna aınalǵan Samat Smaqovtyń ýádesine sendi. Qazirgi kezde oblystyq dene shynyqtyrý jáne sport, qarjy basqarmalary tyǵyryqtan shyǵý jolyn birlesip izdep jatyr.
«Bıýdjet bekitildi. Qazir maǵan eshkim qosymsha qarjy bólmeıdi. Aqtóbe oblysynyń basshylyǵy tyǵyryqtan shyǵýdyń túrli jolyn izdep jatyr. Bir ǵana jolyn kórip otyrmyn. Eger demeýshi tabylmasa, qala «Aqtóbe» fýtbol klýbynan aıyrylady, klýb bankrot bolady. Men oǵan jol bergim kelmeıdi. Biraq zań sondaı. Tipti klýb jekeshelendirýge jatady. Kim qaryzy kóp klýbty satyp alǵysy keledi? Eger jaǵdaı ózgermese, bankrot dep jarııalanady. Sol kezde óz eńbegimen aqsha tappaq bolǵan fýtbolshylardyń bári qolyna aqsha tımeı qalady. Kún saıyn tyǵyryqtan shyǵar joldy izdep júrmin. Keıbiri qaryzynyń bir bóligin suramaıtyn boldy. Eger klýb bankrot bolsa, olar eshteńe de ala almaıtynyn biledi»,- dep jaýap berdi Samat Smaqov baspasóz qyzmeti.
«Aqtóbe» fýtbol klýbynyń esepshoty da buǵattaldy. Fýtbolshylar aldyndaǵy qaryzdy óteýge bar abyroıyn salǵan Samat Smaqov dostarynan aqsha jınady.
«Vıktor Jýnıordan hat keldi. Dál sol kezde klýbtyń esepshoty buǵattalǵan bolatyn. Biz qarjylyq aýdarymdar jasaı almaı, dostarymyzdan qolma-qol aqsha alýǵa týra keldi. Men ózim dostaryma habarlasyp, aqsha jınadym. Qarjy tabyldy, biz olar aıtqan esepshotqa aqsha aýdardyq. Olar telefon shalyp, «sizder basqa jaqqa aýdaryp jiberdińizder» dep aıtyp otyr. Osy jolmen olar «Aqtóbe» fýtbol klýbynan ósh alǵysy keletindeı áser qaldyrdy. Ne úshin? Ony bilmeımin. Aqsha Brazılııaǵa aýdaryldy, biraq áli jaýap kelmedi. Aqsha aýdarǵan qujattardyń kóshirmesin FIFA-ǵa, Qazaqstan fýtbol federatsııasynyna jiberdik. Fýtbolshy Vıktor «eshqandaı shaǵymym joq» dep FIFA-ǵa jaýap qaıtarý tıis. Al ol baılanysqa shyqpaı qaldy. Brazılııalyq dostarymyzǵa da shyqtyq. Ózim Markos Pızzellıge telefon shaldym. Buryn Pavlodarda oınaǵan Antonıo Olıveırge de ótinish jasadyq. Ýáde beredi, biraq jaýap bolmady. Al Neman Nıkolıchpen aradaǵy kelisimshart 2016-2017 jyldarǵa bekitilgen. Biraq ony qalaı shyǵaryp jibergenin bilmeımin? Taıaýda 150 mıllıon teńge qaryz degen hat keldi. Fýtbolshymen habarlasa almaı otyrmyn. Qalaı qaryz bolǵanymyzdy suraǵym keledi. Munyń basqa sebebi bar ma? Artynda kim tur? Anyqtaýymyz kerek»,- dedi Samat Smaqov.
Foto: fc-aktobe.kz
