«Aqtóbe» fýtbol klýbynyń oqý-jattyǵýǵa attanǵan quramy belgili boldy

AQTÓBE. KAZINFORM –Túrkııadaǵy oqý-jattyǵýǵa barlyǵy 26 oıynshy attanǵan. Bul týraly fýtbol klýby habarlady. 

Resmı málimetke súıensek, qaqpashylar qatarynda Saıathan Qusaıynov, Parasat Tańjaryqov, Igor Trofımets jáne Aleksandr Zarýtskıı bar. Al qorǵaýshylar qatarynda Talǵat Kýsıapov, Ádilhan Tańjaryqov, Baǵdat Qaıyrov, Hasen Artýruly, Mark Bogachev, Ivan Ordets ataldy.

Jartylaı qorǵaýshylar: Marıo Rabıý, Nıkıta Korzýn, Georgıı Jýkov, Aıdyn Jalkovıch, Erkebulan Seıdahmet, Kárim Eleýov, Nurdáýlet Tóreǵalı, Darhan Berdibek, Aıan Baıdáýletov, Vıacheslav Shvyrev. Al shabýylshylar qatarynda Aıbar Abdýlla, Mıram Kıkbaev, Vıtalıı Latýrnýs, Artýr Shýshenachev, Danıel Sosa jáne Amadý Dýmbııa bar.

— Búgin tańerteń ǵana «Aqtóbe» fýtbol klýby jekemenshikke ótti. Qazirgi kezde kelisimshart negizinde jumys istep jatqan jattyqtyrýshy bar. Ol jumysyn jalǵastyrady. Komanda Túrkııaǵa ketti, oǵan qarjy bólindi. Biz aqtóbelik jastardy tárbıelep, quramaǵa qosýǵa múddelimiz. Ol úshin zamanaýı ádisteme engizemiz. 28-qańtar kúni Lıssabonǵa baryp, Benfıka jáne Sportıng klýbtarynyń kampýsynyń jumysyn negizge alamyz. Negizgi quram men akademııaǵa arnalǵan kampýsty Aqtóbede salamyz. Munda jasandy jáne tabıǵı alań, manej, basseın, jattyǵý zaly sekildi barlyq qajettilik qarastyrylady. Qarjy bar, — dedi «Aqtóbe» fýtbol klýbynyń basqarma tóraǵasy Arman Ospanov.

Buǵan deıin «Aqtóbe» FK resmı túrde jekemenshikke ótkeni týraly jazyldy. Qazaq Stroy Properties kompanııasy klýbtyń basqarma tóraǵasy qyzmetine Arman Ospanovty taǵaıyndady.