«Aqtóbe» fýtbol klýbynyń basqarma tóraǵasy taǵaıyndaldy

AQTÓBE. KAZINFORM - Canat Shalekenov «Aqtóbe» fýtbol klýbynyń basqarma tóraǵasy qyzmetine taǵaıyndaldy.

Búgin «Aqtóbe» FK dırektorlar keńesiniń tóraǵasy Ǵalymjan Eleýov ujymǵa Sanat Shalekenovty tanystyrdy. Ol bóten adam emes. «Aqtóbe» FK-nyń túlegi, eks-fýtbolshy. 

– Oblys basshylyǵyna artylǵan senim úshin alǵys bildiremin. «Aqtóbe» FK meniń bala kezden janyma jaqyn, meniń súıikti komandam bolyp qala bermek. Maqsatymyz aıqyn, ıaǵnı, múmkin bolǵan júldeniń bárin jeńý. Alǵashqysy árıne Sýperkýbok. Sondaı-aq Premer-Lıganyń chempıondyǵy, Eýropa-Lıgasynyń toptyq kezeńine shyǵý. Birinshi kezekte jankúıerlerimizdiń kóńilinen shyǵatyn oıyn úlgisin kórsetýdi basty nazarǵa alamyz,- dedi Sanat Shalekenov taǵaıyndaý kezinde. 

Sanat Shalekenov 2007 jyldan bastap «Aqtóbe-Jas» komandasynda oınady. 2013-2014 jyldary aralyǵynda negizgi quramǵa shaqyrtý aldy. Sondaı-aq, mansabynda «Aqjaıyq», «Tobyl», «Atyraý», «Kaspıı» komandalarynyń quramyndaoınady. «Qazaqstan U-21» jastar quramasyna da shaqyryldy. Qorǵaýshy bolyp oınaǵan Sanat Shalekenov 2010 jyly «Tobyl» FK sapynda, 2013 jyly «Aqtóbe» FK sapynda fýtboldan Qazaqstan Premer-lıgasynyń chempıony atandy. 

Aıta keteıik, búgin Aqtóbe oblystyq aýyl sharýashylyǵy basqarmasyna basshy qyzmetine Asqar Júsibalıev taǵaıyndaldy.

Sonymen birge Sultan Amanchın endi Aqtóbe oblystyq memlekettik sáýlet-qurylys baqylaý basqarmasyn basqarady.