«Aqtóbe» fýtbol klýbynan az ýaqytta 10 oıynshy ketip qaldy

 «Aqtóbe» fýtbol klýby maýsymaralyq kezeńde on oıynshydan aıyryldy, dep habarlaıdy Sports.kz.

Klýbtan eki qaqpashy — Mıroslav Lobantsev («Elimaı») jáne Stas Pokatılov («Tobyl»), úsh qorǵaýshy — Dmıtrıı ıAshın («Elimaı»), Lýka Gadranı («Qaırat») jáne Eskendir Qybyraı, eki jartylaı qorǵaýshy — Mılosh Raıchkovıch pen Anderson Nıangbo jáne úsh shabýylshy — Elder Santana («Qaırat»), Rojerıo dos Santos Alves («Elimaı») jáne Roman Izotov resmı ketip qalǵan.

Esterińizge sala keteıik, jeltoqsan aıynyń basynda «Aqtóbeniń» bas bapkeri laýazymyna 49 jastaǵy reseılik maman Dmıtrıı Parfenov taǵaıyndalǵan bolatyn.

Ol Andreı Karpovıchtiń ornyna kelgen edi. Karpovıch qazir «Elimaıǵa» jetekshilik etip júr.