«Aqtóbe» fýtbol klýbyna bas bapker taǵaıyndaldy
ASTANA. KAZINFORM - Atalǵan qyzmetke belarýstik Vıacheslav Levchýk keldi. Bul jóninde komandanyń baspasóz qyzmeti málim etti.
Ol osy ýaqytqa deıin bas bapkerdiń mindetin atqaryp kelgen edi. Belarýs mamany endi tolyqqandy bapkerlik mindetke taǵaıyndaldy.
Aıta ketsek, atalǵan mamannyń jetekshiligimen komanda sońǵy úsh kezdesýdiń úsheýin de jeńispen aıaqtaǵan edi.
Vıacheslav Levchýk 1971 jyly dúnıege kelgen. 1987-2000 jyldar aralyǵynda belarýstik komandalar sapynda qorǵaýshy shebinde dop tepti.
2001 jyldan beri bapkerlik qyzmetpen aınalysyp keledi. Qazirge deıin Belarýs, Moldova, Ýkraına, Reseı, Qyrǵyzstan klýbtarynda qyzmet atqardy.
Eske salsaq, sáýir aıynda bıylǵy maýsymdaǵy sátsiz oıyndary úshin «Aqtóbe» komandasynyń bas bapkeri Igor Leonov qyzmetinen ketti.
Igor Leonov «Aqtóbe» fýtbol klýbymen birge 2024 jyly Kýbok ıegeri atansa, Premer lıgada qola júlde aldy.
2006-2024 jyldar aralyǵynda ol ýkraınalyq klýbtarda túrli qyzmette boldy.