«Aqtóbe» fýtbol klýby ýkraınalyq bapkermen qosh aıtysty
ASTANA. KAZINFORM – Bıylǵy maýsymdaǵy sátsiz oıyndary úshin «Aqtóbe» komandasynyń bas bapkeri Igor Leonov qyzmetinen ketti.
Aqtóbelik klýb ýkraınalyq maman Igor Leonovpen kelisimshart merziminen buryn toqtatylǵanyn habarlady. Komandanyń baspasóz qyzmetiniń habarlaýynsha, ol otbasylyq jaǵdaıyn baılanysty jumystan ketý týraly ótinish bergen.
Aıta ketsek, «Aqtóbe» Qazaqstan kýbogynyń 1/8 fınalynda elordalyq «Jeńiske» 0:1 esebimen jol berse, odan keıin Qazaqstan chempıonaty besinshi týrynda qostanaılyq «Tobyldan» jeńilip qaldy.
Igor Leonov «Aqtóbe» fýtbol klýbymen birge 2024 jyly Kýbok ıegeri atansa, Premer lıgada qola júlde aldy.
2006-2024 jyldar aralyǵynda ol ýkraınalyq klýbtarda túrli qyzmette boldy.
Eske salsaq budan buryn belarýstik maman Aleksandr Brazevıch «Qyzyljardyń» bas bapkeri qyzmetinen ketti.