«Aqtóbe» FK burynǵy bas dırektory Vasılevtiń isi sotqa tústi
AQTÓBE. QazAqparat - «Aqtóbe» fýtbol klýbynyń burynǵy bas dırektory Dmıtrıı Vasılev pen oblystyq dene shynyqtyrý jáne sport basqarmasynyń burynǵy dırektory Eskendirbek Mahanovqa qatysty is sotqa tústi, dep habarlaıdy QazAqparat tilshisi.
Aqtóbede «Aqtóbe» fýtbol klýbynyń burynǵy bas dırektory Dmıtrıı Vasılev pen oblystyq dene shynyqtyrý jáne sport basqarmasynyń burynǵy dırektory Eskendirbek Mahanovqa qatysty isti tergeý aıaqtaldy. Іs №2 qalalyq sotyna tústi.
«Іs materıaldaryna sáıkes Vasılev Qylmystyq kodekstiń «Senip tapsyrylǵan bóten múlikti ıemdenip alý», Esendirbek Mahanov «Laýazymdyq ókilettikterdi asyra paıdalaný» baby boıynsha qylmys jasaǵan dep aıyptalýda. 2016 jyldyń 16 qarashasy kúni tergeý sýdıasynyń qaýlysymen Vasılevke qatysty úı qamaǵy túrindegi bultartpaý sharasy berilgen bolatyn. Al Eskendirbek Mahanovqa kúzetpen ustaý túrindegi bultartpaý sharasy belgilendi»,- dedi oblystyq sottyń baspasóz hatshysy Ilıada Dosova.
Eske salsaq, Dmıtrıı Vasılev qazir úıqamaqta otyr . Aqtóbe oblysynyń ákimi Berdibek Saparbaev qylmystyq is boıynsha kináliler jazasyn alatynyn aıtyp, bıyl esep berý kezdesýinde Vasılevti «Aqtóbe» fýtbol klýbyna ákelmegenin jankúıerlerge túsindirip bergen bolatyn .
