«Aqtóbe» FK burynǵy bas dırektory 700 myń teńge moraldyq shyǵyndy óndirdi
AQTÓBE. QazAqparat - «Aqtóbe» FK burynǵy bas dırektory Dmıtrıı Vasılev zańsyz jumystan qýylyp, qylmystyq jaýapkershilikke tartylǵany úshin 1 mıllıard teńge moraldyq shyǵyn talap ketti. Búgin sot azamattyq aryz boıynsha sheshim shyǵardy, dep habarlaıdy QazAqparat tilshisi.
«Aqtóbe» FK burynǵy bas dırektory Dmıtrıı Vasılev memleket qarjysyn talan-tarajǵa salǵany úshin jazalanyp, keıin Joǵary sotta aqtalyp shyqty. Sot úkimin qolyna alǵan eks-bas dırektory D.Vasılev №2 Aqtóbe qalalyq sotyna aryz túsirdi. Ol jumys ornyna qaıta kelip, «Aqtóbe» FK basqarýdy qalady. Ári tárkilengen múlki men esepshotyn qaıtarýdy talap ketti. Sot qyzmetine qaıta ornalasý týraly ótinishin qanaǵattandyrmady. Al esepshoty men barlyq jınaǵan qarjysy ózine berildi.
Keıin Dmıtrıı Vasılev №2 Aqtóbe qalalyq sotyna azamattyq aryz túsirip, 1 mıllıard teńge moraldyq shyǵyndy talap ketti.
Búgin sýdıa Aıgúl Qarajanova 700 myń teńge moraldyq shyǵyndy QR Qarjy mınıstrliginen óndirýge sheshim shyǵardy. Sonymen qatar, sot otyrysy kezinde jolaqyǵa jumsalǵan 195 myń teńgeden astam qarjynyń óndiriletini belgili boldy. Bul sheshimmen Dmıtrıı Vasılev kelisken joq. Ol Joǵary sotqa deıin baratynyn jetkizdi.
