«Aqtóbe» FK burynǵy bas dırektory 1 mlrd teńge moraldyq shyǵyn talap etti
AQTÓBE. QazAqparat - «Aqtóbe» FK burynǵy bas dırektory Dmıtrıı Vasılev túrmede zańsyz otyryp, qoǵam aldyndaǵy ar-namysyna zııan keltirgeni úshin 1 mıllıard teńge moraldyq shyǵyndy talap etti, dep habarlaıdy QazAqparat tilshisi.
«Aqtóbe» FK bas dırektory qyzmetin atqaryp, qarjyny talan-tarajǵa saldy aıyptalyp, sottalǵan Dmıtrıı Vasılev Joǵary sotta aqtalyp shyqty. Buǵan deıin habarlaǵanymyzdaı, ol emdeýge, kólik qatynasy men páter jaldaýǵa, qorǵaýshylarǵa jumsaǵan qarjysyn, buǵattalǵan aqshasyn QR Qarjy mınıstrliginen óndirip alatyn boldy. Búgin Aqtóbe qalalyq sotynda D.Vasılevtiń azamattyq aryzy qaraldy.
«Men 1 mıllıard teńge moraldyq shyǵyndy durys dep esepteımin. Tipti, men az aqsha surap otyrmyn. Talabym zańdy ári jan-jaqty qaralǵan. Aldaǵy ýaqytta biz moraldyq shyǵynnyń kólemin kóbeıtýdi josparlap otyrmyz»,- dedi talapker D.Vasılev.
Aldyn ala sot tyńdaýy kezinde ótinish hattar qabyldanyp, qujattar tirkeldi. Erteń sot otyrysy jalǵasady.
Aıta keteıik, Dmıtrıı Vasılev materıaldyq shyǵynǵa qatysty sot sheshimine kelispeı, appelıatsııalyq shaǵym túsiretin boldy.
