Aqtóbe ferroqorytpa zaýytynda mereıtoılyq metall balqytyldy
AQTÓBE. QazAqparat - Aqtóbe ferroqorytpa zaýytynyń birinshi balqytý agregaty 75 jyldyqqa oraı mereıtoılyq metall balqytty, dep habarlaıdy QazAqparat tilshisi.
Aqtóbe ferroqorytpa zaýytyndaǵy birinshi balqytý peshiniń iske qosylǵanyna 75 jyl toldy. Kúni búginge deıin birinshi peshten 220 myń ret metall shyǵaryldy. Tarıhqa súıensek, 1943 jyldyń 18 qańtary kúni Qazaqstandaǵy alǵashqy ferroqorytpa zaýytynda birinshi balqytý tsehynyń «Komsomolka» peshi qyzdyryldy. Eki kúnnen soń maıdanǵa qajetti alǵashqy metall balqytyldy. Búgin sol mereıtoılyq balqytý jumysy Jasulan Tursynbekov brıgadasyna tapsyryldy.
«Alǵashqy balqytý jumysyn júrgizgen ardager metallýrgterge alǵys aıtamyz. Ardagerlerdiń jumysy sátti jalǵasyp, jastar tabysty jumys istep jatyr»,- dedi Aqtóbe ferroqorytpa zaýytynyń dırektory Murat Muqashev.
Aqtóbe ferroqorytpa zaýytynda №4 tseh 2014 jyly iske qosyldy. Bir jyldan soń ónim shyǵara bastady.https://kaz.inform.kz/news/mashkevich-aktobelik-metallurgterdin-zhumys-natizhesine-alandap-otyr_a3004090 Al 2017 jyly zaýyt 500 myń tonna ónim óndirdi.
«Bul men jáne bizdiń ujym úshin úlken maqtanysh, jaýapkershilik. Mereıtoılyq sharaǵa alǵashqy balqytý jumysyna qatysqan adamdar da keldi. Osy shara meniń ómirimdegi erekshe oqıǵa retinde máńgi este qalady»,- dedi balqytýshy Qanat Jumabaev.
