Aqtóbe ferroqorytpa zaýyty tsehyn iske qosý kezinde jumysshy qaza tapty
AQTÓBE. QazAqparat - Aqtóbe ferroqorytpa zaýytynyń balqytý tsehyn iske qosý kezinde «GeoProektStroı HHI» JShS-niń jumysshysy kóz jumdy, dep habarlaıdy QazAqparat tilshisi.
Aqtóbe ferroqorytpa zaýytynyń №4 balqytý tsehyn iske qosý kezinde qaıǵyly oqıǵa tirkeldi. «QazHrom» TUK» AQ taratqan aqparattyq habarlamaǵa súıensek, zaýyt aýmaǵynda montajdaý jumysyn júrgizgen «GeoProektStroı HHI» JShS-niń jumysshysy mert boldy. Ol 23,8 metr bıiktikte jumys istep, bir núkteden ekinshi núktege aýysý kezinde qaýipsizdik beldigin sheship tastaǵan. Dál sol kezde ol joǵarydan qulap ketti.
«Oqıǵa ornyna jedel járdem shaqyryldy. Biraq jumysshy birden kóz jumdy. Polıtsııa qyzmetkerlerine, eńbek ınspektsııasyna habar berildi. Qazirgi ýaqytta tergeý jumystary júrip jatyr. Tergeý aıaqtalǵan soń qujattardyń bári QR zańnamasyna saı quqyq qorǵaý organdaryna beriledi. «Qazhrom» kompanııasy qaza tapqan jumysshynyń otbasyna kóńil aıtady»,- delingen habarlamada.
Aıta keteıik, Aqtóbe oblystyq eńbek ınspektsııasy tergeý jumystaryn júrgizip jatyr. Buǵan deıin habarlaǵanymyzdaı, «Qazhrom» TUK» AQ-na qarasty Dóń ken-baıytý kompanııasynda vagon súırep ketip, aýrýhanaǵa tústi. h Taǵy bir jumysshy ken astynda qalyp qoıdy.
