Aqtóbe ferroqorytpa zaýytynda jumysshy kóz jumdy

Aqtóbedegi ferroqorytpa zaýytynda mehanık mert boldy. Ol - zaýytta jóndeý jumysyn júrgizgen merdiger kompanııanyń qyzmetkeri, dep habarlaıdy Kazinform.

Oqıǵa keshe saǵat 14:40–ta tirkeldi.

«SMS Servıs» JShQ merdiger mekemesiniń mehanıgi jóndeý jumysyn aıaqtaǵan soń ony teksermek bolyp, ýatý-joný mashıkasyn iske qosýǵa pármen beredi.

Osy kezde qaıǵyly oqıǵa bolǵan. 

— Mehanık ratsııa arqyly ýatý-joný mashınasyn iske qosýdy tapsyrady. Sol kezde ózi joný apparatyna oratylyp qalyp, oqıǵa ornynda kóz jumdy. Merdiger kompanııa Bashqurtstanda tirkelgen, — dep habarlady oblystyq eńbek ınspektsııasy basqarmasy.

Aqtóbe ferroqorytpa zaýyty da áleýmettik jelidegi resmı paraqshasynda aqparatty rastap, qaza bolǵan adamnyń otbasyna kóńil aıtty.

— Aqtóbe ferrorqorytpa zaýytynyń aýmaǵyndaǵy jóndeý jumystary kezinde merdiger uıymnyń qyzmetkeri jaraqat alyp, saldarynan kóz jumdy. Oqıǵa týraly memlekettik organdarǵa habarlandy. Oqys oqıǵanyń mán-jaıy anyqtalyp jatyr. «Qazhrom» TUK» AQ ujymy marqumnyń týǵan-týystarynyń qaıǵysyna ortaqtasyp, kóńil aıtady, — dep jazylǵan habarlamada.