«Aqtóbe» Eýropa lıgasynyń ekinshi irikteý kezeńine ótse qaı komandamen kezdesedi

ASTANA. KAZINFORM - «Aqtóbe» fýtbol klýby Eýropa lıgasynyń ekinshi irikteý kezeńine joldama alǵan jaǵdaıda qaı komandamen kezdesedi. Bul týraly jerebe qorytyndysynan anyq baıqaýǵa bolady. 

Aldymen qazaqstandyq klýb birinshi irikteý kezeńinde Polshanyń «Legııa» (Varshava) klýbymen kim myqtyny anyqtaıdy. Oıyndar 10 jáne 17 shildege josparlanǵan. 

Bul jupta jeńimpaz bolǵan klýb Chehııanyń «Banık» klýbymen sheberlik baıqasady. Birinshi oıyn 24 shildege, jaýapty kezdesý 31 shildege josparlanǵan.

Eýropa lıgasynan shyǵyp qalǵan jaǵdaıda «Aqtóbe» Konferentsııa lıgasynyń ekinshi irikteý kezeńine túsedi. Onda «Sparta» (Chehııa), «Sharlerýa» (Belgııa), «Rıga» (Latvııa), «Sılkeborg» (Danııa) nemese «Nymme Kalıý» (Estonııa) men «Partızanı» (Albanııa) jubynyń jeńimpazymen kezdesýi múmkin.

Aıta ketsek, budan buryn almatylyq «Qaırattyń» Chempıondar lıgasynyń birinshi jáne ekinshi irikteý kezeńindegi qarsylastary anyqtaldy. 

Olar aldymen Slovenııanyń «Olımpııa» komandasymen kezdesese, kelesi kezeńge shyqqan jaǵdaıda KýPS (Fınlıandııa) men «Mılsamı» (Moldova) jubynyń jeńimpazymen jasyl alańǵa shyǵady.

Endi Konferentsııa lıgasynda «Ordabasy» men «Astananyń» ekinshi irikteý kezeńindegi qarsylastary belgili bolady.