«Aqtóbe» esepti teńestirgenimen, «Torpedo» jeńisti julyp aldy
ASTANA. KAZINFORM — Óskemendik «Torpedo» hokkeı klýby Qazaqstan chempıonaty aıasyndaǵy kezekti oıynyn «Aqtóbe» komandasyna qarsy ótkizip, 3:1 esebimen jeńdi.
Kezdesý tartysty ótti. Alǵashqy kezeńde esepti «Torpedo» oıynshysy Rıfel ashty. Ol Kolobov pen Glýhıhtiń nátıjeli pasynan keıin shaıbany qarsylas qaqpasyna dál baǵyttady. Ekinshi kezeńde komandalar esepti ózgerte almady. Sheshýshi úshinshi kezeńde oıyn qarqyny arta tústi. Aldymen «Aqtóbe» hokkeıshisi Aıpov esepti teńestirdi. Alaıda óskemendik komanda oıyn tizginin óz qolyna alyp, eki shaıba soqty. Áýeli Danııar Býtenko men Gýseınovtiń kómegimen mergendik tanytsa, artynsha Gýseınov Gatııatov pen Danııardyń nátıjeli pasyn sátti paıdalanyp, matchtyń qorytyndy esebin belgiledi - 3:1.
Match barysynda qos komanda da belsendi oıyn kórsetti. «Torpedo» qaqpaǵa 34 soqqy baǵyttasa, «Aqtóbe» oıynshylary 31 ret shabýyldady. Endi «Torpedo» kelesi oıyndaryn 29 jáne 30 qazanda «Nomad» komandasyna qarsy ótkizbek.
Aıta keteıik, «Barys» qatarynan úshinshi márte jeńiliske ushyrady.
