Aqtóbe elektr stansasynan mys urlandy

AQTÓBE. QazAqparat – Aqtóbede shaǵyn elektr stansasynan mys urlandy. Kúdikti ony metall qabyldaý ornyna tapsyrǵysy kelgen, dep habarlaıdy QazAqparat tilshisi.

Aqtóbe oblysy Mártók aýdanynyń Petropavlovka aýylynda ornalasqan shaǵyn elektr stansasynyń qyzmetkeri mys elektr symyn urlap ketkenin aıtyp, polıtsııadan kómek surady. Jedel izdestirý sharalary barysynda Hromtaý qalasynyń 39 jastaǵy turǵyny ustaldy.

«Ustalǵan azamat bul áreketin moıyndap, osy qosalqy elektr stansasynan sym urlaǵanyn aıtty. Sodan keıin ony metall qabyldaý ornyna tapsyrǵysy kelgen. Zalal somasy anyqtalyp jatyr. Atalǵan derek boıynsha Qylmystyq kodekstiń «Urlyq» baby boıynsha qylmystyq is qozǵaldy», - dedi oblystyq PD baspasóz qyzmetiniń jetekshisi Erbolat Sarqulov.