Aqtóbe dúkenderinde merzimi ótken 40 keli azyq-túlik anyqtaldy
AQTÓBE. QazAqparat - Aqtóbe oblysynda saqtaý merzimi ótip ketken 40 keli azyq-túlik satylymnan alyndy, dep habarlaıdy QazAqparat tilshisi.
Aqtóbe oblystyq Qoǵamdyq densaýlyq saqtaý departamenti aqpan aıynyń qorytyndysyn shyǵardy. Azyq-túlikterden 7 synama alynyp, nátıjesinde merzimi ótken 40 keli ónim joıyldy.
«Capital Projests LTD» JShS-niń usaqtalyp týralǵan taýyq eti, «Milky Land» JShS-niń sút ónimi, «Global Master Group» JShS-niń «Doka» týralǵan eti, «Jaıyq Agro LTD» JShS-niń «Servelat zernıstyı» jáne «Servelat fınskıı» shujyǵy, Reseıdiń «MK «AGROTEK» JShQ-nyń «S govıadınoı» pisken shujyǵynyń merzimi ótken», - dep habarlady oblystyq Qoǵamdyq densaýlyq saqtaý departamentiniń baspasóz qyzmetinen.
Sonymen qatar, oıynshyqtardan 13 synama alyndy. Barlyǵy 5 jaǵdaıda tańbalaný durys bolmady. Olarda shyǵarylǵan eli, jeri, ataýy, taýarlyq belgisi, ólshemi týraly memlekettik tilde aqparat kórsetilmegen.
«Jeke kásipkerlerge kemshilikterdi joıýǵa 16 uıǵarym berildi. Tekserý kezinde 2 ákimshilik quqyqbuzýshylyq boıynsha hattama toltyrylyp, 303 myń teńge aıyppul salyndy», - delingen baspasóz habarlamasynda.
Tekserý kezinde barlyǵy 337 synama alynǵan. Olardyń 56-synda tehnıkalyq reglament saqtalmaǵany anyqtaldy.
