«Aqtóbe» - «Dınamo» oıyny týraly ne bilemiz?

1. "Aqtóbe" jáne "Dınamo" komandalarynyń bas jattyqtyrýshylary Vladımır Nıkıtenko men Oleg Blohın fýtbolshy retinde on jylǵa jýyq ýaqyt básekeles boldy. Olardyń birinshi kezdesýleri 1978 jylǵy 26 maýsym kúni Almaty qalasynda ótti. Munda Nıkıtenko oınaǵan jergilikti "Kaırat" Blohınniń kıevtik "Dınamosymen" baq synasqan bolatyn. Keıinirek KSRO birinshiligi sheńberinde olar 14 ret kezdesip, segizinde kıevtikter basym tússe, eki oıynda teń túsip, tek eki kezdesýde ǵana "Kaırattyń" baǵy janǵan bolatyn. Keńestik fýtboldyń eń mergen shabýylshysy bolyp sanalatyn Blohın osy kezdesýlerde jeti gol soqty.

2. "Aqtóbe" búgingi Qazaqstan birinshiliginde kósh bastap keledi. 23 týrdan keıin Nıkıtenko sarbazdarynyń qorjynynda 24 upaı bar. Al "Dınamonyń" ishki birinshiliktegi jaǵdaıy anaǵurlym tómendeý. Alty oıynnyń nátıjesi boıynsha olar 10 upaımen altynshy orynǵa jaıǵasqan.

3. Eýropa Lıgasy dárejesiniń máresine jetý jolynda "Aqtóbe" armenııalyq "Gandzasar", norvegııalyq "Hedd" jáne Islandııanyń "Breıdablık" komandalaryn jerge qaratty. Al "Dınamo" bolsa, Eýropa Lıgasyndaǵy alqashqy qadamyn birden pleı-off kezeńinen bastamaq.

4. Oıyn ótetin Aqtóbeniń Ortalyq stadıony bar bolǵany 13 500 adamdy syıǵyza alady. Bul oryndarǵa bıletter áldeqashan satylyp ketken. Bılet quny - 1000 teńge ekenign esterińizge salamyz.

5. Bul kezdesýge ár komandadan bir-bir beldi oıynshydan qatyspaıdy. Qazaqstan komandasynyń quramynan alańǵa Almaty qalasynnyń aýrýhanasynda aýyr qalde jatqan jartylaı qorǵaýshy Emıl Kenjesarıev shyǵa almasa, kıevtikterden jaraqaty syr bergen negizgi qorǵaýshy Evgenıı Hacherıdı qatyspaýy múmkin.

6. Oıyn aldynda "Aqtóbe" jankúıerleri Kenjesarıevke qoldaý bildirip, flesh-mob jasaýy múmkin. Sonymen birge, klýb kezdesýden birneshe mınýt buryn perfomans uıymdastyrady dep kútilýde.

7. Ádette "Aqtóbe" úıdegi oıyndaryn qyzyl-qara-aq, al "Dınamo"aq-kókshil tústi kıimmen ótkizedi.

8. Aqtóbeniń Ortalyq alańyndaǵy kezdesý Astana ýaqyty boıynsha 19:00-de bastalady, kezdesýdi "Qazaqstan" jáne "KazSport" telearnalary tikeleı efırde kórsetýdi josparlap otyr.

9. Kezdesýge belarýsııalyq Alekseı Kýlbakov tórelik etedi. "Dınamo" úshin ol beıtanys, al "Aqtóbemen" ol úsh márte jumys istegen. 2006 jyly "Aqtóbe" Dostastyq Elder Kýbogynda Lıepaıdyń "Metallýrg" komandasyna 0:3 esebimen ese jiberse, 2009 jylǵy Eýropa Lıgasynyń ekinshi irikteý kezeńinde "Aqtóbe" ıslandııalyq "Hafnarfordýrdy" - 4:0 esebimen oısaryta utty, sondaı-aq 2010 jyly aqtóbelik fýtbolshylar Eýropa Lıgasynda Ázirbaıjannan 2:1 esebimen basym tústi.

10. "Dınamo" fýtbolshylarynyń baǵasy "Aqtóbeden" 25 esedeı artyq. 157 200 000 jáne 6 300 000 eýro. Osyndaı sáıkessizdikter qaraǵandylyq "Shahter" fýtbolshylaryn qymsyndyrǵan joq, olar 20 tamyz kúni "qymbat" shotlandııalyq "Seltıkti" 2:0 esebimen utty.

11. ÝEFA-nyń klýbtyq dárejesinde "Dınamo" men "Aqtóbe" arasy at shaptyrym. Ústimizdegi eýrokýbtyq maýsymnyń aıaǵynda kıevtikter 25-shi orynǵa jaıǵassa, al aqtóbelikter keste sońyna taman, 214-shi orynǵa taban tiregen.

12. Eki jattyqtyrýshyda oıyn aldynda bolashaq kezdesý týraly kóp syr ashpady. Blohın "Aqtóbe" komandasyna durys kóńil bóletinin aıtsa, al Nıkıtenko keıbir fýtbolshylardyń jaraqaty týraly shaǵymdandy.

13. "Dınamo" komandasyn qoldaýǵa Ýkraınadan 200-ge jýyq jankúıer keledi dep kútilýde, al aqtóbelikter úshin stadıon janynan qosymsha ekran ornatylady.