Aqtóbe dámhanasyna «jarylǵysh zat qoıǵan» jigit ustaldy
Aqtóbe oblystyq Polıtsııa departamenti baspasóz qyzmetiniń málimetinshe, habarlama 23 qazan kúni saǵat 22:24-te túsken. Er adam qońyraý shalyp, «Troıa» dámhanasyna bomba qoıǵanyn aıtqan.
«Barlyq shuǵyl qyzmet pen saperler toby dereý oqıǵa ornyna baryp, dámhanany tekserdi. Dámhanaǵa kelgen 87 adam men qyzmetkerler evakýatsııalandy. Jarylǵysh qurylǵy tabylǵan joq. Jedel-izdestirý is-sharalaryn júrgizý barysynda patrýldik polıtsııa qyzmetkerleri Qobda aýdanynyń 27 jastaǵy turǵynyn anyqtap, ustady. Ol bomba týraly qaljyń úshin habarlaǵanyn jetkizdi», - dedi oblystyq PD baspasóz qyzmetiniń jetekshisi Erbolat Sarqulov.
Qylmystyq kodekstiń «Terrorızm aktisi týraly kórineý jalǵan habarlaý» baby boıynsha sotqa deıingi tergeý bastaldy. Kúdikti ýaqytsha tergeý ızolıatoryna qamaldy. Osy baptyń sanktsııasy bes jylǵa deıingi merzimge bas bostandyǵynan aıyrý túrindegi jazany kózdeıdi.