Aqtóbe bilim basqarmasy oqýshyǵa zorlyq kórsetý deregine qatysty túsinik berdi
AQTÓBE. QazAqparat – Aqtóbe oblystyq bilim basqarmasynyń basshysy Joldas Batyrhan oqýshyǵa zorlyq kórsetý deregine qatysty túsinik berdi, dep habarlaıdy QazAqparat tilshisi.
Buǵan deıin habarlaǵanymyzdaı, isti qazir oblystyq polıtsııa departamenti №3 qalalyq polıtsııa bóliminiń tergeý toby tergep jatyr.
Oblystyq bilim basqarmasynyń basshysy Joldas Batyrhan osy iske qatysty túsinik berdi.
«Bıyl 29 naýryz kúni Aqtóbe qalasyndaǵy orta mekteptiń 1-klass oqýshysy A.A-nyń anasy A.D joǵary klass oqýshylary balasynyń qulaǵyn tartyp, saýsaǵyn qaıyryp, qorqytqany jóninde dırektorǵa shaǵym aıtqan. Oqıǵanyń mán-jaıyn anyqtaý barysynda bala ózine tıisken oqýshylardyń kim ekenin anyqtap aıta almaǵan. Mektep basshylyǵyna shaǵymmen barǵan ata-ana zorlyq deregi týraly múldem aıtpaǵan. Degenmen 2021 jyldyń 31 naýryzy kúni balanyń anasy Aqtóbe qalasyndaǵy №3 polıtsııa bólimine aryzdanyp, joǵarǵy klass oqýshylarynyń balasyna azǵyndyq áreket jasaǵanyn baıandaǵan. Mektep ákimshiligi bul týraly polıtsııa bóliminde estidi. Sonymen qatar polıtsııa bólimine shaqyrylǵan pedagogtardyń barlyǵy qupııany saqtaıtyny jóninde qolhat beredi. Aryz boıynsha qylmystyq is tirkelip, sot-medıtsınalyq saraptama taǵaıyndalady. Alǵashqy saraptamanyń qorytyndysy boıynsha zorlyq faktisi anyqtalmaǵan. Keıin balanyń aýrý tarıhy boıynsha qosymsha sot-medıtsınalyq saraptama taǵaıyndaldy. Qorytyndysy áli shyqqan joq», - dedi Joldas Batyrhan.
Onyń aıtýynsha, mekteptiń 3 oqýshysy kúdikti retinde tergeýge alyndy.
«Balanyń ata-anasy jeke psıhologqa júginetinin alǵa tartyp, mektep psıhologynyń qyzmetinen bas tartqan. Ata-ana meniń jeke qabyldaýymda boldy. Bala ata-ananyń ótinishimen qashyqtan oqýǵa aýystyryldy. Tergeý amaldary aıaqtalyp, atalǵan fakt tolyq dáleldengennen keıin ǵana mektep ákimshiligine qatysty shara qoldanylady. Másele oblys ákiminiń tikeleı baqylaýynda. Eger derek rastalsa, mektep ákimshiligi men qyzmetkerler jumysynyń olqylyǵy anyqtalsa, qatań sheshim qabyldanady. Olardyń jumys isteýine moraldyq turǵyda quqyǵy bolmaıdy», - dedi Aqtóbe oblystyq bilim basqarmasynyń basshysy Joldas Batyrhan.
Aıtyp óteıik, oqıǵa bolǵan mekteptegi 2 beınekamera 17 naýryzdan bastap isten shyqqan.
Tehnıkalyq qyzmet kórsetýshi jeke kásipker qatty dıskilerdi jóndeýge alyp ketken.
Maýsym aıynan bastap beınekameralar iske qosyldy.
Oblystyq bilim basqarmasynyń habarlaýynsha, qazirgi kezde oblystaǵy 405 mekteptiń barlyǵynda kamera bar. Bári tolyq jumys istep tur.
