Aqtóbe bazarynda telefon saýdalaǵandar jaýapkershilikke tartyldy
AQTÓBE. QazAqparat - Aqtóbede telefon satyp, satyp alǵandardy jergilikti polıtsııa qyzmetkerleri men arnaıy jasaq polıtsııa bólimshesine jetkizdi. Qazir belgilenbegen jerde saýda jasaǵandar men turaqty tirkeýge alynbaǵandar jazalandy, dep habarlaıdy QazAqparat tilshisi.
Senbi kúni Aqtóbedegi «Astana» bazarynda telefon satyp, satyp alatyndar polıtsııa bólimshesine jetkizildi. Buǵan deıin habarlaǵanymyzdaı, arnaıy jasaq kenetten kelip, bərin kólikke mingizdi. Betperde kıgen arnaıy jasaq qaýipsizdikti baqylady .
«Urlanǵan telefondardy anyqtaý úshin tekserý júrgizildi. Belgilenbegen jerde saýda jasaý deregi boıynsha 12 əkimshilik hattama toltyryldy. Əkimshilik quqyq buzýshylyq kodeksine saı turaqty tirkeýde joq 20 adam jaýapqa tartyldy. Polıtsııa qyzmetkerleri túsindirý jumystaryn júrgizdi jəne kəsipker-salyq tóleýshi retinde esepke turýǵa keńes berildi»,- dep habarlady Aqtóbe oblystyq ІІD baspasóz qyzmeti.
