Aqtóbe, Batys Qazaqstan, Qaraǵandy men Qyzylorda oblystarynda óndiris tómendegen
ASTANA. QazAqparat – Bıylǵy qańtar-maýsymda Qazaqstanda ónerkásip óndirisiniń ındeksi 103,8% boldy. Alty aı ishinde 22 611,9 mlrd teńgeniń ónerkásip ónimi óndirilgen, dep habarlaıdy QazAqparat Ulttyq statıstıka bıýrosyna silteme jasap.
Onyń ishinde ken óndirý salasynda – 10 490,2 mlrd teńgege (jalpy kólemnen 46,4%), óńdeý salasynda – 10 587,6 mlrd teńgege (46,8%).
Óndiristiń ósýi taý-ken óndirý ónerkásibi jáne karerlerdi qazýda baıqaldy – 3,7%, óńdeý ónerkásibinde – 3,4%, elektr energııasymen, gazben, býmen, ystyq sýmen jáne aýany kondıtsııalaýmen jabdyqtaýda – 6,8%, sýmen jabdyqtaý, qaldyqtardy jınaý, óńdeý jáne joıý, lastanýdy joıý boıynsha qyzmette – 6,4%.
Óńirler arasynda aıtarlyqtaı ósim Aqmola, Soltústik Qazaqstan, Jetisý, Abaı, Almaty oblystarynda jáne Almaty qalasynda tirkeldi.
Shıki munaıdy (105,6%), tabıǵı gazdy (102,5%), temirdi qospaǵanda, kendi (102,9%), ózge de paıdaly qazbalardy (117,4%) óndirý salalarynyń artýyna baılanysty 2023 jylǵy qańtar-maýsymda taý-ken óndirý ónerkásibi jáne karerlerdi qazýda ónerkásip óndirisiniń ındeksi 103,7% boldy.
Óńdeý ónerkásibinde byltyrǵy birinshi jarty jylmen salystyrǵanda esepti kezeńdegi ónerkásip óndirisiniń ındeksi – 103,4%. Ósim tamaq ónimderi – 5,3%, sýsyndar – 6,6%, óńdelgen munaı ónimderi – 2,8%, rezeńke jáne plastmass buıymdary – 7,8%, ózge de beımetall mıneraldy ónimder – 2,7%, mashınalar men jabdyqtardan basqa daıyn metall buıymdaryn óndirýde – 9,5%, mashına jasaýda – 28,8% belgilendi.
Óndiris kóleminiń ósýi respýblıkanyń 16 óńirinde tirkeldi, tómendeý Aqtóbe, Batys Qazaqstan, Qaraǵandy, Qyzylorda oblystarynda baıqaldy.
