Aqtóbe basshylyǵy Asqar Mamınnen gazdy fakeldarda jaǵý máselesin sheshýdi surady
Aqtóbege kelgen Premer-Mınıstrdiń birinshi orynbasary Asqar Mamın Qazaqstan munaı jabdyqtary zaýytynda boldy. Jobaǵa qytaılyq kompanııa 5 mıllıard teńgeden astam ınvestıtsııa salyp, munaı-gaz jabdyqtary men qurylǵylar shyǵaryp jatyr. Zaýyt qyrkúıek aıynda tolyq iske qosylyp, 80 adam turaqty jumysqa ornalasady.
Úkimet basshysynyń orynbasary Asqar Mamın jumys sapary kezinde «Aqtóbe rels-arqalyq» JShS zaýytynda da boldy. Munda uzyndyǵy 100 metr relster shyǵarylyp jatyr. Álemdegi úsh zaýyttyn biri sanalatyn óndiris ornynda keler jyly joǵary jyldamdyqty magıstraldar úshin 120 metrlik ystyqqa beıim relster shyǵarylmaq. Óńir ekonomıkasynyń damý dınamıkasyn jetkizgen jergilikti ákimdik sheshimin tappaı turǵan máselelerge basymdyq berdi.
«GazProtsessorKomponı» jobasy bizdi alańdatyp otyr. Sebebi, biz 2012 jyldan beri gazdy fakeldarda jaǵý merzimin uzartyp kele jatyrmyz. Keler jyldan bastap gazdy jaǵý kvotasyn toqtady. Eger jaǵý toqtatylsa 1 myń adam jumyssyz qalyp, gaz óndirý 5 paıyzǵa tómendeıdi. Osy jerde «Qazmunaıgaz», «QazTransGaz» AQ men Energetıka mınıstrligin qoldaýyn kútemiz»,- dedi Aqtóbe oblysy ákiminiń orynbasary Qaırat Bekenov.
