Aqtóbe aýyl sharýashylyǵyn damytýǵa 12 mıllıard teńgege jýyq qarjy jumsaıdy
AQTÓBE. QazAqparat - Aqtóbeniń aýyl sharýashyly salasyn damytýǵa bıyl 11,7 mıllıard teńge jumsalady. Qarjy egin sharýashylyǵy men mal basyn arttyrýǵa, azyq-túlik qaýipsizdigin qamtamasyz etýge baǵyttalady, dep habarlaıdy QazAqparat tilshisi.
Aqtóbede aýyl sharýashylyǵy salasyn damytýǵa bólingen qarjy jyl ótken saıyn artyp keledi. Bıyl aýyl sharýashyǵyna 11,7 mıllıard teńge bólindi. Onyń 3,3 mıllıard teńgesi ınvestıtsııalyq sýbsıdııa bolyp esepteledi.
«QazAgro» ulttyq kompanııasynyń enshiles kásiporyndary arqyly aýyl sharýashylyǵyna berilgen nesıeler kólemi jyl saıyn artyp keledi. Ótken jyly 1500-den astam ótinim maquldanyp, 7,5 mıllıard teńgeniń sýbsıdııasy men lızıngtik sharttary jasaldy. Bir jylda oblys sharýalary 365 tehnıka satyp aldy»,- dedi oblystyq aýyl sharýashylyǵy basqarmasy basshysynyń mindetin atqarýshy Qusaıyn Sársenbaı.
Aýyl sharýashylyǵyna ınvestıtsııa salý tartymdy salaǵa aınaldy. Sebebi, sońǵy jyldary elimizde ınvestıtsııalyq sýbsıdııa bóline bastady. Ótken jyly Aqtóbe oblysyndaǵy 300-den astam sharýashylyqqa 2 mıllıard teńgeden astam sýdsııadııa berildi.
«Jyl basynan beri 379 mıllıon teńge ınvestıtsııa tartyldy. Ósim bar. 2016 jyly barlyǵy 25 ınvestıtsııalyq joba iske asyrylyp, 200-den astam jumys orny ashyldy. Al bıyl 39 joba iske asyrylady»,- dedi Sársenbaı.
