Aqtóbe aýrýhanalary dáriger tapshylyǵyn anyq sezine bastady
AQTÓBE. QazAqparat – Aqtóbede ókpeniń qabynýynan aýrýhanaǵa túsip jatqandardy emdeıtin maman tapshy, dep habarlaıdy QazAqparat tilshisi.
Aqtóbe oblysy boıynsha barlyǵy 35 medıtsına qyzmetkeri koronavırýs ınfektsııasyn juqtyrǵan. Kóbiniń aýrý belgisi joq. Qazirgi kezde oblystyq densaýlyq saqtaý basqarmasy aýrýhanalarǵa qajetti terapevt mamandy izdeýge kóshti. Sebebi sońǵy táýlikte pnevmanııamen aýyrǵandar qatary artty.
«Qazir bizde kadr tapshy. Ony jasyra almaımyz. Máselen, temirjol aýrýhanasynda jatqan 200 naýqasty 20 adam emdeýi tıis. Biraq ótken túnde tórt dáriger men oblystyq densaýlyq saqtaý basqarmasynyń bir ókili jumys istedi. Sebebi, qazir ózimizde bar dárigerlerge senim artqan kúnniń ózinde sol túni 7 adam eńbek etýi tıis edi. Biraq eki medıtsına mamany kelip, jumys júktemesin kórip, bas tartty. Ózim telefon shalyp, kómek suradym, biraq olar densaýlyqtaryna shaǵymdandy. Jasy kelgenin, vırýs juqtyrý qaýpi joǵary ekeni eskerildi. Qazir medıtsına qyzmetkerlerin júıeleý kózdelip otyr. Barlyq emhanalarda josparly jumystar ýaqytsha toqtatylady. Endi ol adamdar aýrýhana jumysyna kómektesedi», - dedi Svetlana Esenamanova.
