Aqtóbe áýejaıynyń jumysy tolyqtaı qalpyna keltirildi
Naýryz-sáýir aılarynda Aqtóbe áýejaıyna jóndeý júrgizildi. Qazirgi kezde 200-ge jýyq plıta aýystyrylyp, nysan jumysy tolyqtaı qalpyna keltirildi.
Qazaqstan Avıatsııa ákimshiligi 15 sáýirden bastap shekteýlerdi túgel alyp tastady. Búgin barlyq baǵyt boıynsha reısti qaıta jandandyrýǵa ruqsat berildi.
«Naýryz-sáýir aılarynda jóndeý júrgizilip, komıssııa tekserýinen soń oń sheshim shyǵaryldy. Qazaqstan avıatsııa ákimshiligi áýejaıdyń qalypty jumys isteýine ruqsat etti. Qazirgi kezde barlyq áýe kompanııasyna habarlandyrý jiberip jatyrmyz. Buǵan deıin Qazaq Air jáne SCAT áýekompanııalarynyń Nur-Sultan, Atyraý, Túrkistan jáne Qazan qalalaryna reısteri boldy. Olarǵa tek kúndizgi ýaqytta ushýǵa ruqsat berilip, keshkilik jumys ýaqytsha toqtatylǵan edi», - dedi «Álııa Moldaǵulova halyqaralyq áýejaıy» AQ basqarma tóraǵasy Dastan Malıev.
Aıta keteıik, jóndeý jumystary ári qaraı da jalǵasady. Biraq áýe aılaǵy qyzmetin toqtatpaıdy.
Eske salsaq, Aqtóbe áýejaıy jóndeý jumystaryna baılanysty 17-27 naýryz kúnderi aralyǵynda qyzmet kórsetýin toqtatty.
Al 28 naýryz kúni jumysyn qaıta jandandyrdy. Alaıda búginge deıin reıster tek kúndizgi ýaqytta oryndalyp keldi.
