Aqtóbe áýejaıynda jóndeý jumysy bastaldy
AQTÓBE. QazAqparat – Aqtóbe áýejaıynda ushý-qoný alańyndaǵy aqaýdy jóndeý jumysy bastaldy, dep habarlaıdy QazAqparat tilshisi.
Aqtóbe áýejaıyndaǵy ushý-qoný alańynda aqaý paıda bolyp, arnaıy komıssııa tekserý jumysy júrgizdi. Aqtóbe oblysy ákiminiń orynbasary Rýslan Hambarov keshe jóndeý jumysynyń eki aptaǵa sozylatynyn, biraq jumys aýa raıy qalypty jaǵdaıǵa túskende bastalatynyn aıtqan bolatyn. Al Azamattyq avıatsııa komıteti 17 naýryzdan bastap Aqtóbe áýejaıynyń jabylatynyn málimdedi.
«Qazaqstan avıatsııalyq ákimshiligi» AQ 17-naýryzǵa deıin áýeaılaq plıtalaryn ishinara aýystyrý jáne ushý-qoný jolaǵynyń jekelegen ýchaskelerin jóndeý týraly usynys engizdi. Qazirgi ýaqytta áýejaıdyń menshikti qarjysy esebinen «Qazaqstan avıatsııalyq ákimshiligi» AQ usynystary boıynsha jumys júrip jatyr. Osyǵan baılanysty reıs kúndiz emes, túnde ǵana ushady. «Qazaqstan avıatsııalyq ákimshiligi» AQ ınspektorlary aqaýlardy joıý jumysy aıaqtalǵan soń qaıta tekserý júrgizip, keıin qalypty paıdalaný týraly sheshim shyǵarylady», - dedi oblystyq jolaýshylar kóligi jáne avtomobıl joldary basqarmasynyń basshysy Aıbek Qaıyr.
