Aqtóbe áýejaıynda aerodrom plıtalaryn aýystyrý qarashada aıaqtalady

AQTÓBE. QazAqparat – Aqtóbe oblysynyń Á.Moldaǵulova atyndaǵy Halyqaralyq áýejaıynda aerodrom taqtalaryn aýystyrý jáne qaıta jańartý jumystary bastaldy, dep habarlaıdy QazAqparat óńir ákimdiginiń Telegram-kanalyna silteme jasap.

Áýejaıǵa Aqtóbe oblysynyń ákimi Eraly Toǵjanov baryp, jóndeý jumystarynyń barysymen tanysqan.

Áýejaı ákimshiligi barlyǵy 1 myńǵa jýyq taqtany aýystyrý jáne jóndeý josparlanǵanyn habarlap otyr. Sharalar qarasha aıynda aıaqtalýy kerek. Aıta keteıik, bıylǵy jyldyń sáýir-mamyr aılarynda 100 plıta aýystyryldy.