Aqtóbe áýejaıynan ishki jáne halyqaralyq reıster oryndalýda

AQTÓBE. QazAqparat – Aqtóbede áýe qatynasy qaıta jandandy. Іshki jáne halyqaralyq reıster oryndalýda, dep habarlaıdy QazAqparat tilshisi.

Álııa Moldaǵulova atyndaǵy halyqaralyq áýejaı shtattyq rejımde jumys istep tur. Munda kúzet kúsheıtilgen.

Qalalyq polıtsııa bólimi turǵyndar men qonaqtardan tártipti saqtaýdy, tótenshe jaǵdaı erejesine baǵynýdy surady.

«Reseıdiń Qazan qalasy men Túrkııanyń Ystanbul qalasyna reıs bar. Barlyq baǵyttaǵy ishki reıster de oryndalyp jatyr. Tek Air Astana men Fly Arystan áýe kompanııalaryna tıesili reıster ýaqytsha toqtap tur.

Eki kompanııa bul máseleni jýyq arada sheshedi dep senemin», - dedi áýejaıdyń basqarma basshysy Dastan Málıev.