Aqtóbe áýejaıyna Álııa Moldaǵulovanyń esimin berý usynyldy
AQTÓBE. QazAqparat – «Aqtóbe» halyqaralyq áýejaıyna Álııa Moldaǵulovanyń esimi berý usynyldy, dep habarlaıdy QazAqparat tilshisi.
«Aqtóbe halyqaralyq áýejaıy» aktsıonerlik qoǵamyna Álııa Moldaǵulovanyń esimin berý týraly usynys engizildi.
«Aqtóbe áýejaıy usynysty qarasha aıynda joldady. Oblystyq máslıhat depýtattary biraýyzdan qoldady. Keıin sheshim respýblıkalyq onomastıkalyq komıssııaǵa jiberildi. Komıssııa da aqtóbelikterdiń usynysyn qup kórdi. Endi bes mınıstrliktiń kelisimi qajet. Ashyq talqylaý úshin oblys ákimdigi qaýly jobasyn jarııalady», - dedi Aqtóbe oblystyq tilderdi damytý basqarmasy basshysynyń mindetin atqarýshy Marjan Janatova. Qaýly jobasy «Qazaqstan Respýblıkasynyń aýmaǵyndaǵy áýejaılarǵa, porttarǵa, temirjol vokzaldaryna, temirjol stansalaryna, metropolıten stansalaryna, avtovokzaldarǵa, avtostansalarǵa, fızıkalyq-geografııalyq jáne memleket menshigindegi basqa da obektilerge ataý berý, sondaı-aq olardy qaıta ataý, olardyń ataýlarynyń transkrıptsııasyn naqtylaý men ózgertý jáne memlekettik zańdy tulǵalarǵa, memleket qatysatyn zańdy tulǵalarǵa jeke adamdardyń esimin berý qaǵıdalaryn bekitý týraly» Qazaqstan Respýblıkasy Úkimetiniń 1996 jylǵy 5 naýryzdaǵy № 281 qaýlysyna súıenip jarııalanǵan.
Aıta keteıik, qazirgi kúni áıýjaıda 8 reıs bar. Almaty, Nur - Sultan, Atyraý men Mańǵystaý baǵyty boıynsha ishki reıs, aıyna bir ret Mysyrǵa bir reıs qarastyrylǵan.
«Birneshe aı buryn usynys engizilip, Úkimetke jiberildi. Usynysymyz qoldaý tapty. Endi Álııa Moldaǵulova atyndaǵy áýejaı jazbasy ilinedi. Bul jumys bir aı ishinde atqarylady», - dedi áýejaı dırektorynyń orynbasary Іlııas Nuǵmanov.
