Aqtóbe áýejaıyna Álııa Moldaǵulovanyń esimi berildi
AQTÓBE. QazAqparat – Aqtóbe halyqaralyq áýejaıy Álııa Moldaǵulova atyndaǵy Aqtóbe halyqaralyq áýejaıy bolyp ózgertildi, dep habarlaıdy QazAqparat tilshisi.
QR Úkimetiniń Qaýlysy 2021 jyldyń 28-sáýiri kúni shyqqan. №276 qaýlyǵa sáıkes «Aqtóbe halyqaralyq áýejaıy» AQ-na Álııa Moldaǵulova esimi berildi. Jańa qaýly resmı jarııalanǵan kúnnen bastap zańdy kúshine enedi.
Aıta keteıik, Jańa qaýly 1993 jyly 8-jeltoqsan kúni shyqqan QR «Ákimshilik-aýmaqtyq qurylys týraly» Zańynyń 10 baby, 4 bólimi 1 tarmaǵyna, «Qazaqstan Respýblıkasynyń aýmaǵyndaǵy áýejaılarǵa, porttarǵa, temirjol vokzaldaryna, temirjol stansalaryna, metropolıten stansalaryna, avtovokzaldarǵa, avtostansalarǵa, fızıkalyq-geografııalyq jáne memleket menshigindegi basqa da obektilerge ataý berý, sondaı-aq olardy qaıta ataý, olardyń ataýlarynyń transkrıptsııasyn naqtylaý men ózgertý jáne memlekettik zańdy tulǵalarǵa, memleket qatysatyn zańdy tulǵalarǵa jeke adamdardyń esimin berý qaǵıdalaryn bekitý týraly» Qazaqstan Respýblıkasy Úkimetiniń 1996 jylǵy 5 naýryzdaǵy № 281 qaýlysyna súıenip jarııalanǵan.
Eske salsaq, bıyl qańtar aıynda «Aqtóbe» halyqaralyq áýejaıyna Álııa Moldaǵulovanyń esimi berý usynyldy.
