Aqtóbe áýejaıy avıaotyn tapshylyǵyna qatysty túsinik berdi
AQTÓBE. QazAqparat – Álııa Moldaǵulova atyndaǵy Aqtóbe halyqaralyq áýejaıynda qazir 1 100 tonna avıaotyn bar. Onyń 100 tonnasy áýejaı ákimshiligine tıesili, dep habarlaıdy QazAqparat tilshisi.
SCAT áýekompanııasynyń málimdemesinen soń Álııa Moldaǵulova atyndaǵy Aqtóbe halyqaralyq áýejaıy avıaotyn týraly málimet berdi.
«Qazir qorda 1 100 tonna avıaotyn bar. Onyń 100 tonnasy áýejaı ákimshiligine tıesili. Birer kúnde áýejaıǵa taǵy 180 tonna avıaotyn jetkiziledi. SCAT áýekompanııasynan ózgeleri reısti úzdiksiz júrgize alady. SCAT áýekompanııasynyń málimdemesi ras. Olardyń ózderiniń avıaotyny qazan aıynyń ortasynda bitti. Bitip qalǵan soń olar kommertsııalyq baǵada satyp alýǵa májbúr. Bul qarapaıym adamdarǵa, qyzmetti paıdalanatyn turǵyndardyń qaltasyne salmaq túsiredi. Bılet quny ósýi múmkin. Aıta keteıin, bul kompanııa aıyna shamamen 1 myń tonna otyn paıdalanady», - dedi Álııa Moldaǵulova atyndaǵy Aqtóbe halyqaralyq áýejaıy basqarma tóraǵasynyń orynbasary Qalamqas Óteǵalıeva.
Onyń aıtýynsha, SCAT áýekompanııasy qazir Aqtóbe áýejaıynyń avıaotynyn paıdalanyp otyr.
Aıta keteıik, SCAT áýekompanııasy kúnine eki ret Almatyǵa, bir reıs Aqtaý, Atyraý, Nur-Sultan qalalaryna jasaıdy.
