17:20, 15 Jeltoqsan 2025 | GMT +5
Aqtóbe áýejaıy mıllıonynshy jolaýshyny qarsy aldy
AQTÓBE. KAZINFORM — Kishkentaı sportshy Astana-Aqtóbe reısimen ushyp keldi.
Álııa Moldaǵulova áýejaıy búgin mıllıonynshy jolaýshyny kútip alýǵa daıyndaldy. Astana-Aqtóbe reısiniń jolaýshylary aldyn ala daıyndalǵan baraban ishinen qaǵazdy alyp, mıllıonynshy jolaýshyny anyqtady. Ol oqýshy ári sportshy — Sezim Sultanova.
— Men djıý-djıtsý jarysynan úshinshi oryn alyp kele jatyrmyn. Men búgin qýanyshtymyn, — dedi kishkentaı jolaýshy.
Álııa Moldaǵulova halyqaralyq áýejaıy baspasóz qyzmetiniń habarlaýynsha, bul mańyzdy kún retinde tarıhta qalady. Merekelik sharada demeýshiler mıllıonynshy jolaýshyǵa syı usyndy.
Eske salsaq, byltyr Almaty áýejaıy 10 mıllıonynshy jolaýshyny qarsy aldy. Bul Almaty áýejaıy men qala úshin tarıhı oqıǵa boldy.