«Aqtóbe – Atyraý» trassasynda 2 adam mert bolyp, 6-ýy zardap shekti
AQTÓBE. QazAqparat – Aqtóbe – Atyraý tasjolynda jol-kólik apaty bolyp, eki adam kóz jumdy, altaýy zardap shekti, dep habarlaıdy QazAqparat tilshisi.
Búgin Aqtóbe-Atyraý avtojolynyń 15-shaqyrymynda eki kólik soqtyǵysty. «Lada Largus» avtokóliginiń 29 jastaǵy júrgizýshisi Aqtóbe qalasynan Bestamaq aýylyna qaraı kele jatyp, joldyń qarsy baǵytyna shyǵyp ketken. Onda «GAZ – 5312» avtokóligimen soqtyǵysty.
«Jol-kólik apaty saldarynan «Lada Largus» avtokóliginiń 2 jolaýshysy oqıǵa ornynda kóz jumdy. Qalǵan alty adam Aqtóbe qalasynyń jedel járdem aýrýhanasyna jatqyzyldy», - dep habarlady oblystyq Polıtsııa departamentiniń baspasóz qyzmetinen.
