«Aqtóbe - Atyraý» tasjolynyń qurylysy bıyl da jalǵasady
Aqtóbede ótken jıynda «Aqtóbe - Qandyaǵash» avtokólik jolyn qalpyna keltirý barysy talqylandy.
Májiliske oblystyq jolaýshylar kóligi jáne avtomobıl joldary basqarmasynyń basshysy Aıbek Qaıyr, «QazAvtoJol» AQ-nyń Aqtóbe fılıalynyń dırektory Marat Mahambetov, merdiger mekemelerdiń basshylary qatysty.
«Aqtóbe - Qandyaǵash» avtokólik jolyn qalpyna keltirý jumystary byltyr bastalǵan bolatyn. Bıyl 11-den 52 shaqyrymǵa deıingi ýchaskeniń jumystaryn «Sıne Mıdas Stroı» JShS merdiger uıymy jalǵastyrady.
«Sıne Mıdas Stroı» JShS dırektory Ahmet Býdan:
«Búginde jol salýǵa qajetti aýmaqtyq tómengi qabatynyń jumystary 72% oryndaldy. 16 baılanys jelisi, 1 gaz qubyry men 2 sý qubyry jol ústinen ózge aýmaqqa kóshirildi. Jol qurylysy materıaldaryn daıyndaý jumystary bastaldy»,- dep málimdedi.
Al 52-den 100 shaqyrymǵa deıingi ýchaskeni qalpyna keltirý «Aqjol Qurylys» birlestigine, «AzVırt» JShQ-na, «Assana DorStroı» JShS-ne senip tapsyryldy.
«Assana DorStroı» JShS quryltaıshysy Vladımır Grınbergtiń aıtýynsha, atalǵan ýchaskede de daıyndyq júrip jatyr.
Jıyn sońynda oblys ákimi birqatar naqty tapsyrma berdi.
Sonyń ishinde jumystyń sapasy men merzimin erekshe baqylaýda ustaýdy, qurylys-montajdaý jumystary aıaqtalǵansha ekijolaqty jolda kedergisiz qozǵalysty qamtamasyz etýdi talap etti.
Aıta keteıik, joba 2023 jyly aıaqtalady.
